Burela, 22 de xuño de 2017. A Concellería de Medio Ambiente advirte aos propietarios de solares e terreos en Burela da súa obriga de telos en perfectas condicións, libres de maleza e de residuos. No Concello recíbense queixas pola vexetación, que nalgunhas zonas invade as beirarrúas e as vías públicas.
Noelia Mª Ben fai unha chamada á responsabilidade dos veciños e veciñas de Burela “para que teñan segadas e limpas as súas fincas, porque iso redundará no ben de todos. Queremos ter o noso pobo o máis limpo posible e ofrecer a mellor imaxe para os vivimos aquí e tamén para os que nos visitan durante o verán”.
A edil socialista alude “á seca que estamos a sufrir. En caso de que se rexistre un lume nesas fincas sempre será máis doado actuar tendo os solares limpos que cando están cheos de maleza, xa que se poden propagar as llamas con máis facilidade e chegar a darnos algún susto. E non queremos que iso ocorra”.
A concelleira de Medio Ambiente advirte que “o Concello poderá remitir notificacións aos propietarios dos solares para que os seguen e retiren a maleza, que nalgúns casos está a invadir a vía pública ou as fincas próximas, ocasionando queixas de veciños e veciñas de Burela”.
No Concello agardan que “todo o mundo responda á nosa chamada e que cumpran coas súas obrigas. De non ser así teremos que aplicar a normativa municipal vixente, que leva aparelladas multas para os que a incumpran”. Noelia Mª Ben subliña que “o Concello poderá ordenar a execución deses traballos de limpeza por motivos de interese estético ou de hixiene, con cargo ao propietario e sen prexuízo das sancións correspondentes”.
Noelia Mª Ben fai tamén unha chamada á prudencia durante as fogueiras de San Xoán e San Pedro: “que todo o mundo teña presente que esta semana houbo unha comunicación da Consellería de Medio Rural na que se prohiben ata novo aviso as queimas agrícolas e forestais polas condicións meteorolóxicas e o índice de risco de lume existente”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
