Burela, 23 de xuño de 2017. O Consello Federal da FEGAMP, ao que asistiu o alcalde de Burela, Alfredo Llano, decidía na súa última xuntanza estudar co Consorcio de Igualdade e Benestar a xestión das escolas infantís e reclamar á Xunta maior axilidade na concesión de axudas aos concellos para contratar aos socorristas que traballarán nos areais este verán. Nese pleno aprobaba ademais a conta xeral do 2016 e o orzamento para o 2017 que ascende a 1 millón de euros.
Llano contou que “estivemos falando de moitas cousas que corresponden a todos os concellos de Galicia, hai unha serie de temas nos que estivemos traballando. A verdade é que hai moitas cousas que se poden falar dos concellos dentro dun parámetro que consideramos que debe ser válido para todos os que conformamos a Fegamp en Galicia, que son todos os concellos”.
Alfredo Llano explicou que “do primeiro que falamos foi da política social. Estamos pendentes dos convenios das escolas infantís, para perfilar a súa xestión. Hai moita preocupación de cómo se fixera o convenio e cómo vai afectar ao futuro económico dos concellos. A Burela e a todos os concellos de A Mariña van vir xente do Consorcio, dunha comisión que xunto cos responsables dos concellos, onde van decidir cómo afecta o convenio, cómo vai ser o pago, cómo vai ser o mantemento e cómo se vai repartir a responsabilidade da xestión tanto dos concellos como do Consorcio de Igualdade e Benestar. Nosoutros en Burela temos o convenio ultimado e consensuado, e agora hai que agardar a que veña esta comisión para ver cómo lle afecta ao noso concello”.
O alcalde burelés subliñou que “nesa xuntanza da Fegamp estivemos falando tamén do transporte porque agora mesmo hai moita preocupación. Queremos que todos os núcleos de todos os concellos teñan a súa oportunidade de transporte, que todos estean enlazados coa capitalidade da provincia e todas as provincias enlazadas mediante un bo servizo transporte público. Tamén nosoutros reclamamos que se atendan as necesidades do transporte de tren, algo polo que na Mariña estamos preocupados e que nos afecta directamente”.
Llano relatou que “miramos tamén os plans de cooperación, estas axudas que dá a Xunta de Galicia para cubrir postos de traballo que reclaman os concellos como por exemplo o que é agora necesario, que son os socorristas. Os que temos necesidade de socorristas non nos dixeron absolutamente nada con claridade. Nosoutros reclamamos para Burela 10 socorristas e soamente se nos mandou unha carta de que podíamos ir facendo os trámites, pero sen dicirnos para nada nin con cantos socorristas podíamos contar nin canto tempo, o cal é moi grave dado que queremos empezar o día 1 de xullo. En Burela para non meternos en responsabilidades que non nos corresponden, nosoutros imos solicitar ao INEM oito socorristas para ir cubrindo as necesidades porque non sabemos o que vai pasar cando salgan as prazas definitivas. Quedamos en que a Fegamp solicite que isto quede claro moito antes, xa en maio e non esperar ata finais de xuño para saber cos efectivos cos que contamos”.
Alfredo Llano comenta que “falamos ademais de compartir obradoiros. Agora teñen preferencia os obradoiros compartidos, pero falouse de que é máis efectivo facelos non compartidos, senón individuais coas mesmas oportunidades para todos”.
O alcalde de Burela asegurou que “outro asunto que nos preocupa a todos os concellos é eliminar a regra de gasto que condiciona moito a facenda dos concellos, e dá lugar a que moitas subvencións non podan ser atendidas por incumprimento desta regra, ao mesmo tempo pode ter moitos cartos e en cambio a regra de gasto saia non satisfactoria polo que queremos que se elimine xa. Queremos reclamar que se poida investir o remanente que teñen os concellos. Lévase uns anos acumulando capital que vai pasando a un remanente que non se pode gastar salvo que sexa para pagar débeda, pero hai concellos como o noso que xa teñen as débedas pagadas e podíamos empregar parte dese remanente en investimentos e non o podemos facer. Queremos pedir ao goberno de España que se poidan investir eses remanentes e pensamos que para o ano 2018 ou 2019 se pode conseguir”.
Outros dos asuntos abordados nese encontros foron referidos aos tesoureiros habilitados nacionais e tamén ás Policías Locais.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
