Lugo, 29 de xuño de 2017.- O delegado territorial da Xunta, José Manuel Balseiro, explicou que a Consellería de Infraestruturas e Vivenda abriu os prazos para optar a cinco programas de axuda destinados a fomentar a rehabilitación de vivendas, que suman un orzamento de 7,7 millóns de euros.
Balseiro invitou aos lucenses a achegarse á Delegación Territorial a informarse sobre a liña de subvencións que mellor responda aos seus intereses. Explicou que hoxe mesmo se abre o prazo para solicitar axudas financeiras do programa de préstamos cualificados para a rehabilitación de edificios e vivendas, con financiamento plurianual. Este programa está dotado con 500.000 euros para o presente exercicio -e suma unha previsión de investimento de 1,8 millóns de euros ata o ano 2021-.
Igualmente, lembrou que poden solicitarse axudas á rehabilitación de vivendas na área de rehabilitación integral (ARI) dos Camiños de Santiago, convocatoria dotada con 2,9 millóns de euros. O prazo estará aberto ata o 30 de novembro.
Tamén está aberto o prazo para obter axudas para o remate de fachadas e cubertas, rehabilitación e reconstrución de edificios e vivendas no ámbito rural, histórico e dos Camiños de Santiago, iniciativa á que se destinan un millón de euros.
Igualmente, están convocadas as axudas de rehabilitación de ámbito xeral e o programa que financia a obtención do informe de avaliación de edificios, polo que os propietarios e comunidades de veciños poden coñecer as condicións de accesibilidade, eficiencia enerxética e o seu estado de conservación.
A primeira está dotada con 2,7 millóns de euros e dispón un prazo de un mes para a presentación de solicitudes, mentres que para a segunda habilítanse 600.000 euros de orzamento e un prazo de presentación de solicitudes de dous meses.
Balseiro destacou que “con esta batería de iniciativas, que xestiona o Instituto Galego da Vivenda e Solo, a Xunta pretende facilitar que se executen obras de reforma e conservación nos edificios, co cal se consegue un triplo obxectivo: maior benestar e confort para os residentes; dinamizar o sector da construción, que é un piar para a creación de emprego; e mellorar a estética dos nosos núcleos e pobos, o cal é especialmente relevante no rural e en áreas como os Camiños e os conxuntos históricos”.
Os detalles das convocatorias poden consultarse nos seguintes enlaces:
•DOG 14 de xuño:
http://www.xunta.gal/dog/Publicados/2017/20170614/AnuncioG0423-060617-0001_gl.html
http://www.xunta.gal/dog/Publicados/2017/20170614/AnuncioC3Q2-060617-0001_gl.html
•DOG 13 de xuño:
http://www.xunta.gal/dog/Publicados/2017/20170613/AnuncioC3Q2-010617-0005_gl.html
http://www.xunta.gal/dog/Publicados/2017/20170613/AnuncioC3Q2-010617-0007_gl.html
•DOG 28 de xuño:
http://www.xunta.gal/dog/Publicados/2017/20170628/AnuncioG0423-210617-0001_gl.pdf
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
