Nace “Mariñactiva” como empresa de servicios turísticos en A Mariña

A Mariña 29-6-17. MariñActiva nace co obxetcivo de promover e dinamizar turísticamente o norte de Galicia mediante o desenvolvemento de actividades, visitas guiadas, traslados, rutas e ata planificación das vacacións na Mariña Lucense.

A comarca de A Mariña, así como todo o norte galego, consolidáronse nos últimos anos como un destino de referencia tanto dentro como fora de Galicia. Mariñactiva pretende dar resposta ás demandas latentes destes visitantes, aglutinando toda a oferta turística da zona, unindo sinerxias con empresas de hostalería e ocio e tamién coas institucións públicas.

A empresa, impulsada por expertos no sector do turismo, nace en A Mariña e, entre outros servizos, ofrecerá excursións e visitas con guías profesionais, dirixidos tanto a grupos como a turistas a título individual. MariñActiva propón tamén visitas guiadas periódicas e gratuitas polos concellos de Viveiro, Ribadeo e Cedeira.

Os impulsores desta iniciativa presentan para este mesmo verán diferentes rutas radiais de excursións desde o 1 de xullo, recollendo aos clientes en diferentes puntos da Mariña e achegándoos a algunhas das numerosas xoias pasisaxísticas e patrimoniais da comarca.

Dentro da oferta xa confirmada de excursións para este verán destaca a visita á praia de As Catedrais, Rinlo e Ribadeo, cada venres; excursión por Lugo e Mondoñedo, os martes; visita a Sargadelos e á Basílica de San Martiño, todos los mércores; percorrido polos recunchos naturais e patrimoniais do Concello de Viveiro, cada mércores; ruta mariñeira e gastronómica polo porto de Burela, os venres; e adentrarse na Cova do Rei Cintolo cada sábado de xullo e agosto.

Malia que a empresa está ubicada en A Mariña de Lugo, onde ten lugar a maior parte da súa oferta, algunhas da súas actividades fixas para este verán desenrólanse por toda Galicia, como a visita á Ribeira Sacra cada luns ou a excursión polo “Norte do Norte” dos xoves, que percorre San Andrés de Teixido, Cedeira, Estaca de Bares e os acantilados de Loiba.