Ribadeo, 14 de xuño de 2017. Desde o 16 de xuño haberá servizo de socorrismo nas praias ribadenses. Durante tres meses traballarán 10 socorristas e un xefe de equipo a xornada completa e 2 socorristas a media xornada, ademais de 3 técnicos, 1 a xornada completa e 2 a media xornada. O Concello está á espera de coñecer con cántos socorristas contará a través de Xunta de Galicia, os solicitados para traballar en xullo e agosto foron 8. Unha das novidades deste 2017 será a cadeira anfibia coa que contará Ribadeo para facilitar o baño daquelas persoas con mobilidade reducida.
A concelleira de Medio Mariño e Sostibilidade Ambiental en Ribadeo, Paz Ermida, anunciou que “o 16 de xuño comezamos a tempada nas praias. Comezamos cunha plantilla de socorristas que aínda non está completa porque estamos pendentes de que nos confirmen dende a Xunta de Galicia as xornadas que nos van asignar como outros anos. Empezamos polo tanto cunha plantilla mínima e necesaria para por en marcha parte das praias do concello de Ribadeo”.
A edil nacionalista explicou que “vimos facendo tamén as tarefas de limpeza previas ao comezo de campaña. Está posto en marcha xa o cobro nos baños na praia de As Catedrais durante todo o mes de xuño. Continuaremos como fixemos outros anos velando pola limpeza e a seguridade nos nosos areais. É verdade que cada ano temos máis afluencia de turistas e máis xente que ven a visitarnos, a coñecernos, a gozar non só das praias, que neste caso é o que nos ocupa, senón tamén de todo o resto do entorno do Concello de Ribadeo”.
A edil de Medio Mariño salientou que “dende o equipo de goberno seguimos traballando para que cada vez esas visitas sexan máis e máis numerosas, que sexamos capaces de xestionalas con orde. Hai que dicir que non nos preocupamos só na tempada de verán de telo todo en orde, senón que o resto do ano traballamos tamén para que esa situación sexa así e permita aos ribadenses e ás ribadenses vivir nun entorno agradable e cómodo”.
Ermida subliñou que “este ano imos contar con algunha novidade como é unha cadeira (silla) anfibia que solicitamos para o ano pasado e que, por circunstancias alleas a nós, chegounos un pouquiño tarde e polo tanto imos inaugurala esta tempada para dar facilidade a aquelas persoas que teñen problema de mobilidade ou algunha discapacidade para que poidan tamén gozar do baño nas nosas augas como o resto de xente”.
A concelleira ribadense sinalou que “contaremos cun equipo de limpeza para o entorno das praias da costa e tamén da propia vila. Contaremos co servizo de medio ambiente para seguir mantendo o noso entorno coidado en boas condicións, de xeito que faga agradable a estancia tanto para os turistas como para a xente de Ribadeo pola que nos seguimos preocupando tamén cada día do ano”.
Para Paz Ermida “é unha tempada importante como son tamén as outras tempadas que tivemos que asumir. Agardamos que teñamos moitisimos visitantes e que se leven unha boa imaxe de Ribadeo, e que tamén o resto de xente que vivimos aquí todo o ano poidamos gozar dos nosos areais e do noso entorno”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
