Ribadeo, 12 de xuño de 2017. O Partido Popular de Ribadeo denuncia a existencia de verquidos de escombros nos terreos onde está o campo de fútbol de adestramento que hai xunto á vía do tren. O portavoz municipal, Jesús López Penabad, considera lamentable que unha finca que está alugada polo Concello se atope nesta situación e tamén critica que no casco histórico de Ribadeo os sumidoiros cheiran fatal e os veciños quéixanse da sucidade e do abandono xeral que sofre a vila.
Jesús López Penabad afirmou: “desde o Partido Popular queremos denunciar un gran verquido de escombros que hai nun sitio bastante preto de todos, en concreto no campo de fútbol próximo á vía do tren, lugar onde adestran os nenos da SD Ribadeo e calquera que queira practicar un pouco de deporte. Detrás dunhas casetas que hai alí atopamos tres ou catro camións de escombro”.
O portavoz municipal do PP engadiu que “é lamentable que unha finca que está xestionando o Concello de Ribadeo, pois paga o aluguer para poder usala de campo de adestramento, estea nestas condicións. Eu creo que se calquera ribadense botara unha pequena parte dese escombro nunha finca da súa propiedade recibiría unha multa. O Concello anda ao seu aire. Temos en Ribadeo un punto limpo e unha planta de reciclaxe e polo tanto parécenos lamentable o exemplo que están dando. Alí adestran nenos e poden ver o que practica o noso Concello nas súas instalacións ou nas que levan eles”.
López Penabad quere facer “unha chamada de atención porque non nos parecer nin exemplo nin forma de traballar. Hai un punto limpo e unha planta de reciclado de escombros que é onde ten que estar ese material e non detrás dunhas casetas dun campo de fútbol, como ten o noso equipo de goberno”.
Por outra banda o portavoz dos populares no Concello ribadense denuncia que “no centro de Ribadeo estes días que non chove moito, as alcantarillas cheiran fatal. Resulta curioso, e saía na prensa o outro día, que o alcalde de Vegadeo dicía que polas restricións de auga ían deixar de baldear as rúas.
En Ribadeo baldeanse algunha vez as rúas. Eu creo que nunca, o que é lamentable nun concello que presume de servizos e de turístico e bonito como é. A min a xente quéixaseme da sucidade que hai en xeral en Ribadeo, do descoidado que está”.
López Penabad sinala que “se achega o verán e cos torneos deportivos e demais eventos xa hai máis afluencia de xente, pero eu creo que van levar unha mala imaxe de Ribadeo e mal olor porque as alcantarillas apestan. Haberá que lavar un pouquiño e facer o que se fai en calquera concello, e máis nun comercial e turístico como é Ribadeo”.
O portavoz municipal popular insiste en que “vemos abandono por parte do equipo de goberno, pasotismo e vivir ás súas anchas, pero preocupándose moi pouco polos problemas dos veciños”.
Está organizado pola Asociación Cultural e Artesanal de Mulleres Palilleiras "As Encaixeiras" e conta co apoio do Goberno galego. O porto de Burela é o escenario no que as palilleiras convocadas amosan o seu traballo ás persoas que se achegan. O programa inclúe tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
