A Asociación Cultural A Pomba do Arco organiza o Venres 9 de Xuño ás 20:30 na Libraría Bahía de Foz a presentación do libro “O monte galego e mariñán.Caos ou aproveitamento multifuncional?” co obxectivo de promover un debate sobre a situación do sector forestal na Mariña e en Galiza.
Dende a Asociación A Pomba do Arco somos conscientes da importancia que ten o monte para a economía da nosa da zona e do conxunto de Galiza e tamén das súa potencialidades como factor de desenvolvemento, polo que queremos divulgar no entre as nosas veciñas e veciños todas estas fortalezas ao tempo que favorecemos o debate sobre as súas diversas problemáticas.
O acto contará coa presenza dalgúns dos autores do volume así como de persoas que pola súa actividade son bos coñecedores desta realidade.
Entre os primeiros atopamos a Alberte Blanco Casal, coordinador do volume, autor dun dos seus capítulos e Director Xeral de Montes entre 2005 e 2009, período no que tivo que enfrontar unha das máis fortes vagas de incendios forestais; Bernardo Valdés Pazos, profesor da Universidade de Santiago de Compostela no Campus de Lugo, economista centrado en traballos vinculados á economía agraria e autor dun dos capítulos do libro; e Ramón Reimunde Noreña, profesor de Lingua e Literatura, escritor e presidente de Produtores de Madeira de Galiza (PROMAGAL), entidade que agrupa a un importante número de produtores forestais na Comarca.
Para a Asociación A Pomba do Arco“ estas tres persoas achegaranos diversas perspectivas e estratexias para a posta en valor do monte galego e mariñán, cun obxectivo partillado de reverter a situación actual do monte, en gran medida caótica subdesenvolvida, e espello do abandono e do atraso do medio rural galego. Entendemos que esta situación non é consecuencia dunha fatalidade histórica, como sinalan os autores do volume, senón resultado dun deseño político iniciado varias décadas atrás e que ten moito a ver co rol que lle foi asignado ao noso ao País. Agardamos, pois, que este acto axude a socializar a problemática forestal en Galiza e na Mariña, a que a sociedade tome en conta a importancia do monte e tamén a favorecer o debate entre os diversos sectores que participan do complexo forestal”.
Por iso convidámoste a acudir a este acto de presentación e ao posterior debate.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
