Lugo, 6 de maio de 2017. O Deputado de Deportes, Pablo Rivera Capón, presentou este martes a 61 edición do Descenso Internacional do Miño, que terá lugar o vindeiro sábado a partir das 17:00 horas, con saída en Rábade e chegada no Club Fluvial de Lugo. Fíxoo acompañado polo Alcalde de Rábade, Francisco Fernández Montes; o Concelleiro de Desenvolvemento Sostible de Lugo, Daniel Piñeiro; o Presidente da Federación Galega de Piragüismo, Alfredo Bea García; o xerente do Hospital Polusa, Justo Jorge López; o Presidente do Club Fluvial, Tito Valledor; o responsable de Eventos e Orientación do Fluvial, Manuel Castiñeira; e o director técnico de Piragüismo, José Antonio Fernández.
O organismo provincial realiza unha achega anual de 15.000 euros para a organización de diferentes actividades deportivas na provincia a través do Club Fluvial de Lugo, entre as que se atopa o 61 Descenso Internacional do Miño, a segunda proba de piragüismo máis antiga de España e un referente do piragüismo galego.
Rivera Capón subliñou que “este ano acadamos un novo récord de participación, xa que polo de agora hai inscritos 396 palistas, procedentes de 28 clubs de toda Galicia, o que supera as cifras da pasada edición. Tamén se incrementa o número de embarcacións, pasando das 302 da pasada edición, ás 308 contabilizadas ata hoxe”.
O Deputado de Deportes engadiu que “esta competición enmárcase nas diferentes colaboracións que levamos a cabo co Club Fluvial ao longo do ano e que nos permiten achegar o deporte á mocidade lucense, promovendo hábitos de vida saudables e dinamizando a economía dos nosos Concellos, posto que probas como este Descenso Internacional logran reunir a unha gran cantidade de participantes así como de afeccionados”.
Os representantes das institucións, do club organizador e da propia Federación Galega de Piragüismo coincidiron en salientar o bo momento que vive este deporte en Galicia, comunidade na que xa hai 4.000 licenzas, e en especial na provincia de Lugo.
A proba organizada polo Club Fluvial de Lugo e a Fegapi, conta co patrocinio da Deputación de Lugo e coa colaboración de Xunta de Galicia; Concellos de Lugo, Rábade e Outeiro de Rei; Estrella Galicia; Coca-Cola; Polusa; Policía Local e Protección Civil. Ademais dos trofeos aos tres primeiros clasificados nas distintas categorías, este ano como novidade, a firma Freire Asesores donará tres paletas de ibérico aos integrantes dos primeiros k1 e k2 que crucen a meta, de entre todas as embarcacións e categorías, con saída en Rábade. Ademais, o Concello de Outeiro de Rei concederá trofeos aos primeiros K1 e K2 en cruzar a súa meta volante.
Programación
Ao igual que en edicións anteriores, no Concello de Rábade estará situada a saída, a partir das 17:00 horas, para as modalidades de K1 e K2 nas categorías de home xuvenil, sénior e veterano, que deberán percorrer 17 quilómetros e medio para chegar á meta, situada no Club Fluvial. Pola súa banda, os homes da categoría cadetes, na modalidade de K2, tomarán a saída ás 18:00 horas dende Ombreiro para cubrir un percorrido de 8 quilómetros, nun circuíto no que tamén remarán todas as categorías de mulleres, nas modalidades de k1, k2 e C1. Este mesmo percorrido será o que deberán afrontar os participantes na modalidade de C1, en homes veteranos, sénior, xuvenil e cadetes. A meta volante do circuíto estará situada no concello do Outeiro de Rei, que un ano máis colabora xunto co de Rábade na celebración deste descenso.
Como é habitual, haberá unha importante representación da provincia de Lugo, cos clubs Cidade de Lugo, Altruán de Ribadeo, CD San Ciprián, Club de Piragüismo Viveiro e o Club Fluvial de Lugo, que exerce de anfitrión nesta proba.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
