Cervo, 1 de xullo de 2017.- A bandeira azul ondea dende este mediodía na praia do Torno, en San Cibrao.
A insignia foi izada este mediodía nun acto no que participou o alcalde de Cervo, Alfonso Villares, a edil de Medio Ambiente, Manuela Méndez, o de Seguridade Cidadá, José Ramón Soto, e outros membros do equipo de Goberno.
Ademais, dende hoxe esta praia tamén loce a bandeira Ecoplayas por segundo ano consecutivo, sendo a única da provincia de Lugo e unha das seis de toda Galicia, que conta con este distintivo outorgado pola boa xestión ambiental; ademais da bandeira de praia sen fume.
Por outra banda, dende hoxe e durante dous meses e medio, seis socorristas velarán pola seguridade dos usuarios neste areal; “que financiaremos con fondos propios quince días de setembro”.
Ademais, o “Sendero Azul” do Torno tamén contará con esta insignia, por segundo ano consecutivo. Un carreiro natural cun percorrido de 2,36 quilómetros, que bordea o areal que leva o mesmo nome “e que é un reclamo de primeira orde tamén para o noso Concello”.
O rexedor sinalou que a bandeira azul, outorgada pola calidade das augas e os servizos que ofrece un areal, é unha boa nova para Cervo “o que nos conduce a pensar que as cousas se están a facer con criterio dende a área de medio ambiente, xa que cumprimos cuns requisitos loxicamente cada vez máis esixentes á hora de obter un distintivo que é un impulso e un incentivo máis para seguir a traballar baseándonos no compromiso coa contorna e promovendo tamén hábitos responsables para manter as nosas praias na mellor das condicións”.
O rexedor destacou, así mesmo, que un dos obxectivos deste equipo de Goberno é converter Cervo nun referente en materia ambiental, e o camiño que imos percorrendo cremos que pode ser o axeitado.
Sinalou que aínda que O Torno é a praia que ten bandeira azul, todos os areais do Concello contan cuns servizos axeitados a disposición dos usuarios, e cunha calidade óptima para o baño, en concreto as augas da Caosa, xunto co Torno, teñen unha calificación de excelente.
Ademais dos requisitos imprescindibles para obter a bandeira azul, pretendemos que os veciños e visitantes podar ter información de toda a nosa contorna natural, e para elo tamén temos instalados diversos paneis informativos, adaptados aos tempos “xa que a través dos códigos QR, as persoas interesadas poden acceder, por exemplo, a toda a documentación almacenada no propio blog do “Sendero Azul”, ou informarse tamén a través das diferentes plataformas dixitais que temos en funcionamento, como a propia páxina web do Concello (www.concellodecervo.com) e as distintas redes sociais.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
