Ribadeo, 17 de xullo de 2017. Mañá, martes, Acisa efectuará o 2º reparto dos rueiros editados hai algunhas semanas. En total repartiranse nesta quenda 7.000 unidades entre os hoteis asociados, na Oficina de Turismo, na praia das Catedrais e no Real Club Náutico de Ribadeo.
Desde a directiva explican que “este segundo reparto faise despois de actualizarse o mapa de asociados, debido ao elevado número de altas que tivemos en Acisa nos últimos tempos”.
En Acisa subliñan que “todo aquel asociados que desexe ter exemplares para entregar aos seus clientes, sexa comerciante ou hostaleiro so ten que solicitalo. O obxectivo é dar a coñecer aos nosos asociados e asociadas, a turistas e visitantes todo o que poden atopar cando chegan a Ribadeo”. E engaden que “deste xeito concluímos o programa de publicidade e promoción que na asociación puxemos en marcha a comezos de ano”.
Sorteo de entradas para o trofeo Emma Cuervo
Por outra banda, Acisa vai sortear 3 entradas para asistir ao Trofeo Emma Cuervo, que disputarán o vindeiro sábado, 22 de xullo, o Club Deportivo Lugo e o Real Oviedo FC, a partir das 19:30 horas.
Desde Acisa explican que “a forma de participar é moi sinxela, so tedes que facervos fans da nosa páxina en facebook, despois hai darlle a me gusta na publicación referida ao sorteo e etiquetades a dous amigos cos que queirades ir ao partido xunto a un comentario”.
O sorteo das entradas será o venres, día 21. E o nome do gañador coñecerase a partir das 13:00 horas. O afortunado deberá recoller o seu agasallo nas oficinas de Acisa antes das seis da tarde do propio venres.
Acisa anima a participar no sorteo e aclara que “se fará a través dunha plataforma dixital na que so o azar será o que teña a última palabra de quen é o gañador”. E indican que “queremos reafirmar así o noso compromiso co deporte e coas asociacións deportivas ribadenses, coas que seguimos a colaborar, na medidas das nosas posibilidades”.
Acisa repartirá desde este martes 7.000 exemplares dos rueiros editados hai unhas semanas e actualizados para distribuír entre os turistas que cheguen a Ribadeo. Poderán atopalos nos hoteis asociados, na oficina de turismo, na praia das Catedrais e no Real Club Náutico
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
