Burela a 20 de xullo de 2017. Masificación de consultas, cupos profesionais por enriba do establecido, redución de profesionais, non substitucións… Estas, e moitas outras, son segundo a CIG Saúde A Mariña as consecuencias «de decisións que levan ao deterioración estrutural dá atención primaria na comarca».
Unha destas decisións é a de non substituír ao persoal cando está de vacacións, o que está a ter como consecuencia «a redución de servizos e unha sobrecarga asistencial brutal», engaden.
SOBRECARGA ASISTENCIAL NO CENTRO DE SAÚDE DE VIVEIRO.
A situación xa deficitaria durante o resto do ano na quenda de tarde no Centro de Saúde de Viveiro (tres facultativos con cupos por enriba do establecido de ata 1800 persoas, a non substitución das ausencias, sobrecarga de traballo…) é recoñecida polo propio SERGAS.
Dende a propia EOXI de Lugo Cervo e Monforte recoñecen que para facilitar unha asistencia sanitaria de calidade dito centro debería contar con catro facultativos na quenda de tarde ao longo de todo o ano. “Non só non o fan, todo o contrario, no verán recortan persoal cando a demanda asistencial é maior ao duplicarse a poboación”, critican dende o sindicato nacionalista.
“Actualmente una das médicas atópase de vacacións e o SERGAS non a substitúe quedando só dous facultativos para atender os seus correspondentes cupos máis o da súa compañeira, a todo iso temos que sumar as urxencias e o incremento da demanda asistencial polo gran número de persoas desprazadas ao pobo pola época estival”, explican dende CIG Saúde A Mariña.
A RESPOSTA DO SERGAS.
A resposta oficial do SERGAS é que non existe persoal médico dispoñible para realizar a cobertura das ausencias por vacacións e outros permisos.
Desde CIG Saúde sinalan que “é imposible que haxa profesionais dispoñibles para cubrir vacacións se non se ofertan novas prazas desde a administración e ao mesmo tempo o persoal médico dispoñible vese obrigado a emigrar buscando un futuro laboral digno fronte ás políticas miserables de contratación do SERGAS por días ou horas que non ofrecen ningún tipo de estabilidade laboral”.
Desde CIG Saúde afirman que non se pode prestar unha asistencia sanitaria de calidade cando os profesionais teñen que asumir o traballo propio e o de compañeiros que non son substituídos e instan ao SERGAS a cubrir as vacacións no Centro de Saúde de Viveiro
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
