Navega o Camiño en Viveiro

Viveiro 23-7-17. Navega no Camiño pretende revitalizar a antiga ruta de navegación cara a Santiago de Compostela, dando así a coñecer os fantásticos portos deportivos do norte de España.

Unha decena de veleiros saíu desde Hondarribia o día 16 de xullo, e a eles iranse sumando progresivamente outras embarcacións nas paradas programadas ata superar a treintena de veleiros con máis de cento vinte peregrinos a bordo.

A Organización da Travesía, levada a cabo por North Mariñas, Asociación de Mariñas do norte de España, ten como obxectivo revitalizar esta antiga forma de peregrinaxe, potenciando relacións socio-culturais e as actividades náutico deportivas entre as nosas xentes e as doutros países.

Na etapa do venres entre Cudillero e Viveiro, unha das máis longas de toda a travesía, varias embarcacións decidiron facer noite nos portos de Tapia de Casariego e Ribadeo. Deste xeito, a longa distancia entre os portos de Cudillero e Viveiro quedaba dividida en dúas xornadas. Onte, día de descanso para toda a travesía, a flota reagrupouse no porto de Viveiro, antes de reemprender o camiño mañá pola mañá.

Recibidos polas autoridades
Ata o porto de Viveiro achegáronse onte pola tarde Jose Manuel Balseiro, delegado da Xunta de Galicia, e o deputado por Lugo Jaime de Olano Vea. Ambos agradeceron a parada dos peregrinos no porto, á vez que lles invitaron a volver en próximas ocasións, á marxe do peregrinaje a Compostela.

Próxima etapa: Viveiro – Cedeira
Trala xornada de descanso, a flota continuará rumbo a Cedeira nunha das etapas máis espectaculares, xa que os peregrinos terán que pasar os imponentes cabos Bares e Ortegal para chegar ao seu porto de destino.