Cunha festa da escuma e inchables remataron as actividades de verán, organizadas pola Concellería de Medio Ambiente, de Burela

Durante estes dous meses máis de 50 nenos e nenas con idades comprendidas entre os 3 e os 12 anos puideron gozar de múltiples e variadas actividades: manualidades, excursións, contacontos, música, xogos ao aire libre e nas praias. A edil Noelia Mª Ben amósase satisfeita co desenvolvemento da ocioteca: “cada ano hai máis persoas interesadas en que os seus fillos e fillas poidan participar nestas actividades, xa que para as parellas que traballan é unha tranquilidade saber que os seus fill@s poden participar nas mesmas e pasar toda a mañá entretidos xogando con rapaces da súa idade”. A concelleira de Medio Ambiente agradece “as persoas voluntarias a súa dedicación, xa que grazas a elas todo isto é posible”.