Lugo, 19 de setembro de 2017.- En coincidencia co inicio do curso escolar, a Xunta de Galicia pon en marcha unha nova edición do programa Almorzos saudables nos colexios da provincia de Lugo, dirixido a “fixar hábitos saudables na alimentación dos máis pequenos e mellorar a saúde bucodental dos nosos escolares”.
Así o explicou o delegado territorial da Xunta, José Manuel Balseiro, que engadiu que a iniciativa está dirixida ao alumnado de quinto e sexto de educación primaria e bota a andar, mañá e o xoves, no CEIP Laverde Ruíz de Outeiro de Rei. O programa está promovido pola Consellería de Sanidade en colaboración coa de Cultura, Educación e Ordenación Universitaria.
A actividade consiste na elaboración e degustación de almorzos saudables no propio centro. Ao comezo, impartirase unha breve charla informativa e motivadora sobre a importancia do almorzo e dunha dieta equilibrada para acadar un desenvolvemento san, e concluirá con outra charla sobre saúde bucodental e sobre técnicas de cepillado.
A actividade ten lugar en horario lectivo e o centro educativo faise cargo do almorzo, coa participación do profesorado e tamén dos pais e nais. A Xunta entregará a cada alumno un cepillo de dentes, a pirámide dos alimentos e un mantel individual.
Os menús ofértanse en dúas mañás, con lixeiras variacións. Inclúen lácteos, pan, tomate, aceite, xamón cocido ou serrano, froita e froitos secos, e son optativos o cacao puro e o azucre.
A través da mellora do hábito do almorzo, esta medida persigue incluír na alimentación produtos con todo tipo de nutrientes, potenciar unha oferta variada de alimentos, e ofrecer cantidades axeitadas desde o punto de vista nutricional. Tamén se promoven aspectos relacionais entre o propio alumnado, como a charla e o goce da comida.
Balseiro destacou a importancia de “incluír un almorzo saudable na dieta dos nosos escolares, que redundará nun mellor rendemento físico e intelectual, axudando a conseguir unha correcta distribución das calorías ao longo do día para, desta forma, axudar a manter o peso idóneo”.
O delegado sinalou que un almorzo escaso ou inadecuado “pode predispoñer aos escolares a consumir durante a mañá bollería industrial, lambetadas ou bebidas refrescantes e a realizar comidas máis abundantes”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
