O Vicedo 21-9-17. Este venres 22 de setembro ás 13h na Casa da Cultura de O Vicedo será a Presentación do curso gratuito de aprendizaxe das técnicas de extracción de resina que se desenvolverá nos fines de semana do 29 de setembro ao 15 de outubro no Vicedo. Asistirán a esta presentación o Alcalde Presidente do Vicedo, D. José Jesús Novo Martínez, o encargado da Omix, D.José Antonio Quelle Gómez, a representante dos propietarios dos montes onde se impartirán as prácticas do curso, Dª Ana Hermida Lage e os encargados de impartir o curso. D. Raúl Vilela Darriba e D, Francisco José Domínguez Cerviño.
Este curso gratuito está subvencionado pola Consellería de Política Social da Xunta de Galicia a través das axudas ás Oficinas Municipais de Información Xuvenil.
O Vicedo conta con monte que alberga grandes oportunidades de aproveitamentos forestais. A existencia de superficies arbóreas de diferentes características dota a este concello de múltiples alternativas a desenvolver, chegando consigo oportunidades laborais que poden executar o veciños da zona.
Integrar as novas tecnoloxías ás prácticas tradicionais no monte, segue a ser un problema que en numerosas ocasións dificulta a creación das novas actividades laborais. A explicación dos procedementos básicos en aplicacións e programas informáticos é un importante achegamento ás integración da xente no rural mediante a creación de postos de traballo ligado ó sector forestal.
Este proxecto xorde da necesidade de mellora económica dos sistemas forestais, na procura de novas alternativas de aproveitamentos que axuden a potenciar o traballo entre a xuventude e fomentar as actividades respectuosas co medio ambiente.
Aparición de xente nova en estado de desemprego solicitando formación, no so a nivel teórico, de novas posibilidades no mundo rural. Unha mostra do mesmo viuse representada na última charla pública “Xornadas forestais” realizada no concello de O Vicedo a data de 18 de marzo de 2017, na que se ofrecían diferentes alternativas de aproveitamentos no monte galego mediante unha exposición divulgativa do estado económico e ambiental da zona.
OBXECTIVO
O obxectivo deste curso é dotar ós participantes dos coñecementos básicos necesarios para comezar una nova actividade laboral no sector forestal. Con isto, o método de traballo consistirá en facilitar unha información mínima ós docentes sobre os procesos de aproveitamentos ligados á sustentabilidade, de xeito que poidan avanzar e desenrolar a súas propias ideas.
Dentro de este marco tan amplo, centrarémonos na explicación dos diferentes procesos e labores necesarias para chegar a ser un resineiro profesional. Os alumnos adquirirán os seguintes coñecementos:
Pasos para comezar como emprendedor.
Localizar aproveitamentos resineiros potenciais.
Estados das masas forestais e protección do medio.
Métodos de obtención de resina.
Ferramentas informáticas de libre acceso para xestionar un aproveitamento.
Contacto con empresas e profesionais do sector.
Información sobre os contidos do curso: 610 20 70 51 (Francisco)
Inscricións e información no mail alternativasforestais@gmail.com ou no tlf 611 41 35 82 ou 610 20 70 51
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
