Viveiro 6-9-17. A Asociación de Comerciantes Centro Histórico de Viveiro pon en marcha de novo a partir do xoves 14 de setembro o Juepeo, os Xoves en Viveiro Tapeo.
Nesta nova edición serán 16 locais os participantes, esperando algunha incorporación máis para o mes de Outubro.
Os locais participantes son Bar La Fontana, Gastrobar Los Leones, Cornelius Taberna Gastronómica, Kiev Café, Bar O Atallo, Bar Calviño, Restaurante Casa Pepi, Bar Normandy, Mesón O Recuncho, O Rincón do Tronco, Asador La Quinta, Gastrobar Hotel Urban y Mesón A Ría. Como novidades incorpóranse o Restaurante Esmorga e Arume Gastrobar. En Outubr reincorporarase o Restaurante O Muro.
Estos locais ofrecerán tódolos xoves unha tapa ó prezo de 1,50€. Esta xa é a terceira edición que se pon en marcha, unha inciativa que foi moi ben acollida polo público e que pouco a pouco foi medrando e asentandose como a alternativa de ocio para os xoves. O obxetivo desta campaña é dinamizar os negocios de hostelería do Centro Histórico, e que mellor que ofrecerlle ós clientes unhas boas e variadas tapas a un prezo moi asequible. Só hai que darse unha volta un xoves de tapeo por Viveiro para ver o ambiente que se crea en torno ó Juepeo.
Seguiranse sorteando entre os clientes 200€ en vales de compra a consumir nos locales participantes, repartidos nun premio de 100€ e dous de 50€. A forma de participar é moi sinxela, con cada tapa entregase ó cliente una tarxeta para que vote que lle pareceu a tapa, cubre os seus datos e deposítaos nas urnas que haberá habilitadas en cada local. Por cada tapa que proben, unha posibilidade de gañar.
Para o primeiro xoves de tapeo arrancamos con:
– Bar la Fontana.- Brocheta con Salsa Gaucha e guarnición.
– Gastobar Los Leones.- Miniburguer BBQ
– Cornelius Taberna Gastronómica.- Tetiña de codillo ó forno, queixo manchego, mazá caramelizada e pataca panadeira.
– Kiev Café.- Alitas de pollo con salsa piri piri
– Bar O Atallo.- Zorza a la tasca
– Bar O Calviño.- Parrillada de marisco
– Restaurante Casa Pepi.- Milhoja de solomillo
– Bar Normandy.- Milhoja de pataca e xamón con ovo
– Mesón O Recuncho.- Mamota dominicana
– Asador La Quinta.- Hamburguesa de vaca con queixo provolone, cebola vermella, leituga, tomate e chimichurri.
– Gastrobar Hotel Urban.- Bonito en rolo
– Arume Gastrobar.- Alitas rancheras en salsa Arume
– Restaurante Esmorga.- Repollin relleno da avoa
– Mesón A Ría.- Chipirones encamados encebolados.
– O Rincon do Tronco estará este primero xoves cerrado por vacacions. Comenzarán o Jueveo o xoves 21.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
