Cervo, 20 de setembro de 2017.- O Concello de Cervo realiza estes día traballos de mantemento e limpeza profunda na rede de saneamento de San Cibrao.
En concreto, estase a actuar no tanque de tormentas, ubicado no centro da vila, no parque Reina Sofía.
O alcalde de Cervo, Alfonso Villares, e a edil de Medio Ambiente, Manuela Méndez, xunto aos ténicos municipais, estiveron supervisando os traballos levados a cabo por unha empresa especializada e que, tal e como explicaron, consisten en “limpar en profundidade os sólidos que se foron acumulando nos colectores, que é o nudo de conexión de toda a rede de saneamento de San Ciprián; son uns traballos que repetimos como mínimo catro veces no ano e que supoñen para as arcas municipais un custe duns 12.000 euros”.
O alcalde engadiu que son actuacións que se veñen a sumar á supervisión e mantemento diario que vimos facendo dende o Concello en toda a rede de saneamento, a través dos técnicos municipais, porque a nosa aposta sempre foi dirixida cara unha xestión pública; “un control exhaustivo que desenvolvemos en diferentes puntos como a zona do porto, a praia de Cubelas, ou o tanque de tormentas; e que é un esforzo que dá un resultado que nos satisface porque as analíticas que realizamos regularmente son sempre favorables dende a posta en funcionamento desta EDAR no ano 2015”.
Villares puntualizou que son varias as analíticas mensuais que se esixen para comprobar o correcto funcionamento do sistema; e, a maiores nós contamos cun laboratorio propio totalmente autónomo dende o que os técnicos municipais realizan controis diarios e “sempre cumprimos os parámetros fixados, o que quere dicir que a calidade da auga que sae depurada, e vai cara o mar, é a óptima; así o revelan as analíticas que se realizan tanto na propia EDAR, como á saída da depuradora, e en diferentes zona do medio mariño”.
Villares apuntou que é “unha satisfacción ver que temos unha rede de saneamento que funciona, respectando o medio ambiente, e que queremos compartir coa veciñanza, porque son traballos e servizos soterrados, que non se ven, pero tremendamente importantes; e temos que ter en conta ademais -engadiu- que este sistema de depuración funciona con garantías dende o ano 2015, cando se puxo en funcionamento a EDAR, xa que antes “todos os vertidos de augas residuais ían directamente ao mar, sen ningún tipo de filtro, nin tratamento; de ahí a relevancia de contar cunha rede de saneamento como a que temos e de estar constantemente pendentes da súa correcta actividade”.
Todos os residuos que se están a retirar son conducidos en colectores illados, e nun transporte especial a un centro de transformación e reciclado.
O Concello de Cervo realiza estes días traballos de mantemento e limpeza profunda na rede de saneamento de San Cibrao
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
