Lugo, 8 de setembro de 2017. O Presidente da Deputación, Darío Campos Conde, informou este venres sobre as obras de mellora que se remataron no Centro Ocupacional de ASPANANE e que financiou na súa totalidade o Goberno Provincial con 35.000 euros. Campos Conde explicou que “ampliamos as únicas instalacións na Mariña Occidental que ofrecen este servizo a persoas con discapacidade intelectual, pois tras estas melloras este colectivo pasará de ofrecer 35 prazas a 50. Creo que hoxe de novo demostramos que traballamos por unha Deputación coas persoas, social e rural; que atende ás necesidades dos veciños”. O titular provincial supervisou hoxe as actuacións levadas a cabo nestas instalacións, situadas en Viveiro, xunto á Alcaldesa deste Concello, María Loureiro García. Ambos os dous mantiveron encontros cos usuarios e familias.
Con dito orzamento, o Goberno da Deputación permitiu, por un lado, renovar a fachada do edificio onde ASPANANE ofrece na actualidade o servizo de centro ocupacional a 35 usuarios, poñendo fin ás filtracións de auga e goteiras existentes ao mellorar o illamento do inmoble. Ademais, acondicionouse por completo o interior da nave contigua a estas instalacións que estaba en desuso. É neste novo espazo, que conta con 400 metros cadrados, onde agora se pode ampliar a prestación de centro ocupacional, ofrecendo 15 novas prazas, acadando, deste xeito, un total de 50.
“Hoxe ASPANANE atende familias de Ourol, Viveiro, O Vicedo, Xove e Foz no seu Centro Ocupacional, e ten, cando menos, a outras 6 na listaxe de espera, que deixarán de estalo este mesmo ano grazas a estas novas instalacións”, subliñou Campos Conde.
Ademais de ampliar as prazas, con estas obras o Goberno da Deputación consegue que as instalacións de ASPANANE se adapten ao novo Decreto 149/2013 que aprobou a Xunta de Galicia, permitindo a continuidade deste servizo.
Novas instalacións a pleno rendemento este ano
Na nave renovada situaranse salas de uso múltiples e descanso, aulas para a celebración de obradoiros, ademais das dependencias dos 20 profesionais que traballan neste colectivo (traballadores sociais, psicólogos, fisioterapeutas, persoal de cociña ou limpeza…), pois fíxose a división de ditos espazos e leváronse a cabo todos os traballos necesarios para o seu uso, como os de electricidade ou fontanería. A día de hoxe, está en funcionamento unha parte destas instalacións e antes de final de ano, posto todo o equipamento, prevese o seu pleno rendemento.
Encontro cos usuarios
Campos Conde e Loureiro García mantiveron un encontro cos usuarios do Centro Ocupacional, onde puideron coñecer algúns dos talleres que se imparten e, a continuación, desprazáronse ao Centro de Día, un edificio situado a 400 metros, onde percorreron as instalacións acompañados polos mozos e mozas. Na actualidade, ASPANANE conta con 20 profesionais que prestan atención a 52 usuarios: 17 no Centro de Día e 35 no Centro Ocupacional, que poderá pasar a ser 50, coas 15 novas prazas que se xeran coa nave totalmente renovada polo Goberno da Deputación.
Servizos de ASPANANE
A Asociación de Pais de Nenos e Adolescentes con Necesidades Especiais conta cun total de 224 socios. Esta asociación ofrece servizos de Centro de Día (que ten 17 usuarios) e Centro Ocupacional (que ten 35 usuarios na actualidade). Prestan servizo de atención e asesoramento a todas as familias que o necesiten; actividades deportivas, culturais ou lúdicas, como ximnasia ou canto; así como obradoiros de carpintería, serigrafía ou tampografía.
Todo isto co fin de integrar socialmente ás persoas con discapacidade intelectual. Neste senso, promoven variadas iniciativas coa colaboración de administracións como a Deputación e do tecido empresarial. Por exemplo, o Goberno Provincial financiou con máis de 1.800 euros talleres de Xornalismo e Deportes. ALCOA conta coa participación de usuarios de ASPANANE nos traballos de empaquetado de sobres; e Electrodomésticos Viveiro para a montaxe de pezas neste tipo de aparellos.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
