Ribadeo, 29 de setembro de 2017. O Partido Popular de Ribadeo ven de trasladar unha iniciativa ao seu grupo provincial para que a Deputación arranxe a estrada de titularidade provincial que, desde Trabada, entra no concello de Ribadeo por Arante e bifurca para Santalla e Couxela. O portavoz do PP de Ribadeo, Jesús López Penabad, explica que esta vía está abandonada desde hai moitos anos e polo tanto solicitan á Deputación o seu arranxo. López Penabad comprobou o deficiente estado desta estrada acompañado polo deputado autonómico popular Daniel Vega.
Jesús López Penabad denuncia “o gran abandono que sufre a estrada de titularidade da Deputación que ven de Trabada, entra por Arante, e despois bifurca para Santalla e para Couxela desembocando na N-640 na estrada que pasa por Porto e vai a Meira e Lugo. Esta estrada leva así anos, eu non recordo a última vez que se arranxou. É certo que hai un pequeno tramo que se conseguiu que se amañara, que está en Cedofeita, pero a inmensa maioría desa estrada, que é a que vertebra a zona interior de Ribadeo e dálle saída cara a Nacional 640, está moi abandonada”.
O portavoz do PP ribadense critica que “o goberno local de Ribadeo ultimamente ten abandonado ao municipio e agora empezan a falar de cousas como o Pazo de Meirás e demais, que nin podemos amañar desde Ribadeo nin creo que importe moito aos ribadenses”.
Ademais López Penabad explicou: “tomamos esta iniciativa de pasarlle esta petición ao noso grupo provincial, ao grupo popular na Deputación, para que propoñan a mellora desta estrada e que se amañe dunha vez por todas. Confiamos en que isto saia adiante e se arranxe esta estrada, porque é unha necesidade imperiosa que ten toda a xente da zona interior do concello. Quen queira pode pasar por alí e comprobar que o firme está bastante estragado, polo que necesita un arranxo integral e de calado”.
O voceiro dos populares en Ribadeo rematou comentando: “esta é a nosa proposta desde o Partido Popular para traballar por Ribadeo e polos ribadenses, visto que os gobernantes do Concello pensan noutras cousas e cremos que as necesidades do pobo hai que atendelas”.
O PP de Ribadeo solicita o arranxo da estrada provincial que comunica a zona interior do Concello. Os populares veñen de trasladar unha proposta ao seu grupo na Deputación
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
