Burela, 10 de outubro de 2017. Esta pasada semana facíase pública a firma dun convenio entre a Federación Galega de Fútbol e o concello de Burela. Un convenio que foi aprobado no pleno do pasado 2 de Febreiro coa oposición dos dous concelleiros do BNG.
Dende a organización frentista consideran que non é de recibo que o concello proceda á desafección dun inmoble previa solicitude da FGF, mentres que non ten previsto dotar ós colectivos locais de espazos para levar a cabo a súa actividade que o precisan. “Fai moitos anos que as asociacións da vila demandan mais espazos para desenvolver o seu traballo e sempre que o solicitan a resposta por parte deste e do anterior goberno é a mesma, que non existen locais libres. Parécenos unha falta de respecto cara esas entidades, con moitos menos recursos que a FGF, que agora o concello faga os trámites pertinentes para ceder esas oficinas” indicou Mario Pillado, voceiro do BNG.
Ademais diso, a FGF ten causados problemas para o funcionamento de varios clubs da vila, concretamente na tramitación das fichas, discriminando ós rapaces de orixe estranxeira. “A FGF incumpre os seus propios estatutos, que figuran na documentación que entregou no concello, onde se recolle que non acepta ningún tipo de discriminación por nacemento, raza, sexo, relixión, opinión ou outras condicións, ó non tramitar as licenzas federativas destes rapaces do mesmo xeito que o fai co resto de nenos nados en Galiza” salientou Pillado.
Non se entende como o concello tarda oito meses en formalizar o convenio.
Algo que tampouco semella razoable, segundo o BNG, é que despois de aprobar en Febreiro un convenio no que o goberno municipal vendeu uns grandes beneficios para os clubs deportivos da vila, non se formalice o mesmo ata o mes de Outubro. “Entre os meses de Agosto e Setembro os colectivos deportivos tramitan tódalas licenzas e seguros que precisan para competir, se a delegación da FGF en Burela estivese aberta, calquera dúbida ou problema se resolvería de contado na delegación, ou iso é o que o goberno socialista nos dicía” comentou o voceiro do BNG. “Sobre todo, coa problemática en torno ó Fútbol Sala, na que este acordo entre o Concello de Burela e a FGF non serviu de nada” continuou Pillado.
Sobre os cursos que se anunciaron na prensa, “é moi difícil de explicar como tendo a delegación en Burela e o CD Burela FS como referente na Mariña, o curso de monitor de Fútbol Sala se vai levar a cabo en Mondoñedo” finalizou o portavoz do BNG.
O BNG de Burela non entende a cesión dun local municipal á Federación Galega de Fútbol
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
