Santiago de Compostela, 31 de outubro, 2017.- A deputada do BNG, Montse Prado manifestou hoxe que ao contrario do discurso da Conselleira, os orzamentos de Pesca e Marisqueo non recollen as demandas do sector, “os seus problemas e preocupacións. Para a deputada as contas para o 2018 manteñen moita literatura na súa memoria sobre a importancia do sector pero “non concretan accións reais, precisas e necesarias” para o seu impulso e desenvolvemento.
Na súa intervención, a parlamentaria nacionalista fixo fincapé na baixa execución dos orzamentos e preguntou como é posible que a finais do terceiro trimestre, teñan sen executar o 93% do programa no que se contempla entre outros obxectivos, “ a mellora e calidade dos recursos marisqueiros, a xestión dos bancos marisqueiros mediante a reinstalación de moluscos procedentes de zonas afectadas por contaminación mocrobiolóxica, recuperar as zonas para o mantemento da biodiversidade e abordar a baixa produción marisqueira”.
Como é posíbel que a pesar do “desastre” que supón a campaña do libre marisqueo na ría de Arousa por falta de recurso, baixa nas rendas e con menos dun terzo das embarcacións con Permex para faenar non se realicen actuacións nestes bancos e o 79% do programa non fora executado.
Por outra parte, tamén preguntou como pode estar só executado o 3.19% do programa de infraestruturas pesqueiras, cando son urxentes actuacións nesas infraestruturas para que o sector poida realizar a súa actividade con dignidade.
PESCA VOLVE A APOSTAR POLA ACUICULTURA
Montse Prado replicou á conselleira de Pesca e Marisqueo, Rosa Quintana que os orzamentos reflicten unha “nova aposta pola acuicultura”, co incremento da partida para este sector que ascende a 35 millóns de euros. “Fondos públicos para fomentar e favorecer a introdución de capitais alleos no sector pesqueiro, alleos ao modelo tradicional e propio de Galiza”. Vostedes, dixo, “lexislan para entregarlle un ben público, as nosas rías, para financiar estes proxectos” e entretanto, “baixa a partida para a produción”, desaparece o seguro de mal tempo, que xa tiña unha dotación raquítica con 200.000 euros e non contemplan o relevo xeracional, “a escasa partida consignada en 2017 con 500.000 euros é rebaixada a 350.000”.
5 anos despois de comezar o desastre co berberecho, da aparición do parasito que está acabando con el, non existe ningunha previsión para facerlle fronte. Non hai proxectos para recuperación de bancos marisqueiros, para a cría de semente, en suma para mellorar as rendas e o número de persoas que se poidan dedicar ao marisqueo, apostilou.
A parlamentaria concluíu lamentando que un ano máis a consellería presenta uns orzamentos “decepcionantes” que non dan resposta ás inquedanzas do sector.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
