Cervo, 27 de outubro de 2017.- O Concello de Cervo abre o prazo de solicitude de axudas dirixidas a entidades educativas sen ánimo de lucro.
A convocatoria permanecerá aberta ata o 24 de novembro.
Tal e como sinalou o alcalde de Cervo, Alfonso Villares, “o fin desta liña de axudas é o de contribuír a fomentar as actividades educativas, recreativas ou culturais que realizan estas entidades ao longo de todo o ano; sempre que sexan dirixidas á colectividade escolar e promovidas polos centros de ensino do Concello -os colexios de Cervo e San Ciprián, e o IES Marqués de Sargadelos; e brindarlles ao tempo unha axuda económica coa que contribuír a que podan facer fronte aos seus gastos de funcionamento”.
O rexedor apuntou que “dispuxemos dunha partida orzamentaria de preto de 4000 euros para esta liña de axudas, que se vén a sumar a outras que temos dispostas dende o Concello dirixidas á comunidade educativa tanto para as ANPAS –que está aberto o prazao para solicitalas ata o 23 de novembro-; a compra de libros e material escolar, como para transporte e diferentes axudas que brindamos aos centros ao longo de todo o ano”.
Cada impreso de solicitude deberá ir acompañado do orzamento detallado da entidade, da fotocopia compulsada do DNI do representante legal e o documento que acredite a súa representación e fotocopia do NIF da entidade; o certificado da titularidade da conta bancaria na que se realizarán os pagamentos; un documento que acredite a composición da xunta directiva da ANPA e unha fotocopia do estatuto, entre outra documentación que vai especificada nas bases e que terá que ser presentada no Rexistro Xeral do Concello.
Aquelas entidades que desexen máis información ao respecto poden achegarse ás oficinas municipais ou consultar o Boletín Oficial da Provincia, do xoves 26 de outubro.
Os impresos están dispoñibles para a súa descarga no taboleiro de anuncios da web municipal www.concellodecervo.com.
Esta medida afecta ao tramo comprendido entre a antiga Conserveira e o Pósito, co obxectivo de garantir a seguridade viaria e facilitar a circulación, xa que durante este período o vial quedará habilitado en dobre sentido de circulación. A Policía Local agradece a colaboración cidadá e lembra que, para máis información, poden contactar no teléfono 982 562 922.
A actividade, organizada en colaboración co Concello de Cervo, permitiu ao alumnado achegarse por primeira vez ao mergullo deportivo, combinando formación teórica e práctica nun entorno seguro e controlado. A segunda parte da xornada, prevista na Praia da Caosa, tivo que ser adiada debido ao mal estado do mar, pero buscarase unha nova data para completar esta experiencia única en contacto co medio natural. A alcaldesa Dolores García Caramés destacou "a importancia de ofrecer oportunidades educativas que promovan hábitos saudables e poñan en valor o noso entorno".
Os usuarios da piscina poderán acceder á instalación por Lavandeiras, pola Escola de Idiomas. Para chegar, poden tomar a estrada LU-862 e baixar pola rúa Lavandeiras, onde se atopa a gasolineira de Celeiro.
Tanto o Folgueiro League coma o Folgueiro League Baby desputaranse os días 12 e 13 de xullo.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
Xebra fecha o curso por todo o alto, con Séchu Sende presentando este sábado, 21 de xuño, ás 20 horas 'O povo improvisador', re-editado por Através Editora. Conducirá o acto o investigador Xian Naia. A atividade chega a Burela cunha festa itinerante, o Regueifatour que aterra no local de Xebra cun espetáculo de improvisación oral.
O encontro está organizado polo motoclub A Cadeira, de recente creación. Unha das citas máis esperadas será a exhibición acrobática do piloto profesional Emilio Zamora, que terá lugar a partir das 19.30 horas do sábado no parque de San Roque. Tamén se ofrece un simulador de pilotaxe de moto GP, música en directo ou unha ruta turística o domingo pola mañá. Habilitarase ademais unha zona de acampada exterior e interior.
