A Vicepresidencia da Deputación de Lugo colabora no desenvolvemento da xornada, en lembranza do axenteforestal Quique Casanova
Lugo, 21 de xuño de 2025. O Pazo de San Marcos acollerá o vindeiro xoves -26 de xuño – unha xornada técnica sobre a prevención de riscos laborais nos operativos de extinción de incendios, organizada pola CIG coa colaboración da área de Rural da Vicepresidencia da Deputación de Lugo.
No encontro, que contará con intervencións de traballadoras e traballadoras, representantes sindicais en saúde laboral e outro persoal técnico especializado en extinción de incendios e enxeñería de montes, analizarase a evolución dos incendios e dos riscos ao longo das últimas décadas e as causas dos accidentes en tarefas de extinción ou a situación de axentes e bombeiros forestais en relación cos coeficientes redutores e as enfermidades profesionais.
Alén da análise técnica, a xornada concebiuse en lembranza de Quique Casanova, axente forestal do Corgo que faleceu en 2015 dun infarto durante a extinción dun incendio en Vilamaior, en Guntín. O Tribunal Superior de Xustiza de Galiza condenou á Xunta de Galiza pola falta de dilixencia na aplicación das medidas preventivas que terían evitado a súa morte.
O secretario comarcal da CIG Lugo-A Mariña Lois Neto e Dulce Neira, membro da executiva comarcal do sindicato, o deputado de Rural Daniel García e a concelleira de Cultura do Concello de Lugo Maite Ferreiro presentaron esta mañá o programa, baixo o epígrafe “Monte e rural galego, razóns de vida para a prevención de riscos”.
A asistencia á xornada, que se celebrará no Salón de Actos do Pazo de San Marcos,é libre e gratuíta.
Programa
9.30 h
Apertura da xornadas
9.40 h
Razóns de vida.
Mario Outeiro Iglesias
9.50 h.
O accidente de Quique Casanova. Unha morte evitable?
Dulce María Neira Fraga (Gabinete de Saúde Laboral CIG) – Antonio Niño Saavedra (CIG-lugo)
10.30 h.
Pasado, presente e futuro da prevención de riscos no dispositivo de extinción de incendios forestais en Galicia.
Manuel Martínez Méndez (Bombeiro forestal e delegado de prevencón de riscos da CIG no Comité de Seguridade e Saúde de Incendios Forestais da Xunta de Galicia)
11.30 h
Pausa
12.00 h.
Análise dos accidentes na exinción de incendios forestais
Fernando Iglesias Rei (Doutor Enxeñeiro de Montes)
12.45 h.
Coeficientes redutores e enfermidades profesionais nos axentes e bombeiros forestais. José Antonio Pereiro (Xefe sección xubilacións INSS Lugo)
13.30 h.
Os riscos do comportamento extremo de incendios
Luis Cháin Galán (Analista UNAP en Castela A Mancha)
14.15 h.
Conclusións da xornadas
Xabier Bruña García (Enxeñeiro Forestal)
14.30 h
Peche da xornada
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
