A segunda etapa de laranxa da capitá péchase con 5 Ligas, 6 Copas da Raíña, 4 Supercopas, 4 Copas Galicia, 1 Recopa e 1 Champions, que se unen ao histórico dobrete logrado na súa primeira etapa como burelista, na campaña 2012/2013
Burela, 19 de xuño, 2025. Dany e o Burela FS separan os seus camiños despois dunha década espectacular cargada de títulos. A gran capitá laranxa márchase da disciplina burela logo de sumar 5 Ligas, 6 Copas da Raíña, 4 Supercopas, 4 Copas Galicia e as oficiosas Recopa e Futsal Women’s European Champions neste decenio, que se unen ao histórico primeiro dobrete -Liga e Copa- da entidade na tempada 2012/2013, a primeira de Dany como futbolista do cadro mariñao. Despois desa primeira experiencia como laranxa, que só durou unha tempada, a pívot hispano-brasileira regresou en xaneiro de 2016 para completar estas fenomenais e inesquecibles dez campañas cuxa guinda foi o ciclo vitorioso iniciado no ano 2019.
Daniela Domingos Lopes (São Paulo, 1984) entrou no radar do Burela FS despois das súas grandes actuacións no Valladolid e no histórico Cajasur Córdoba. Tralas grandes sensacións que deixou a potente pivote paulista no seu primeiro de laranxa e un curto paso de novo polo seu país, onde defendeu as cores do São Caetano e o Taboão dá Serra, Dany regresou á Mariña para enrolarse nun equipo que perdera potencial pola marcha de varias xogadoras importantes, pero que aos poucos foi recuperándose cal ave fénix para acabar sendo o gran dominador do fútbol sala español na actual década.
Os seus éxitos de laranxa, así como os 341 partidos e 220 goles en competicións da RFEF, chamaron a atención das seleccións de Brasil e España. Foi chamada polo combinado do seu país de nacemento para un partido en febreiro de 2021, pero este finalmente suspendeuse e isto acaboulle abrindo as portas da selección española, coa que debutou oficialmente o 3 de setembro dese mesmo ano en Praga, nun partido ante a República Checa no que anotou dous goles. Converteuse nunha asidua nas listas da seleccionadora Clàudia Pons e os seus mellores momentos con España chegaron en xullo de 2022 e marzo de 2023, cando, primeiro en Gondomar (Portugal) e despois en Debrecen (Hungría), colaboraba nas vitorias na segunda e a terceira Eurocopa da historia.
Dany sempre destacou pola súa fortaleza e capacidade de xerar perigo desde a posición de pívot, ademais de polo seu instinto goleador. A pesar de non ser demasiado alta, a súa potencia física sempre lle axudou a ser un auténtico quebradizo de cabeza para todas as peches que se enfrontaron á de São Paulo. Aínda que nos últimos cursos foi reducindo paulatinamente os seus algarismos anotadores -esta campaña pechou a liga regular e o play off en sete goles-, sempre destacou por saber regular moi ben os seus esforzos para acabar as tempadas, cando se disputan os títulos máis importantes, nun gran momento de forma. Algo que demostrou aínda este ano, cando foi unha peza chave na Copa da Raíña de Cartagena, onde as laranxas lograron o seu sétimo entorchado. Dany abriu a conta diante do Ourense Ontime en cuartos de final (5-0) e iniciou a remontada contra o Poio (1-2) nas semifinais cun gol cando xa restaban poucos minutos para a conclusión e no que mostrou outra das súas grandes calidades, a de ser a máis lista da clase para aparecer no momento e lugar axeitados e aproveitar un rexeite da porteira rival.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
