A Xunta de Goberno vén de licitar novos proxectos para rehabilitar a LU-P-6102 entre A Pontenova e Trabada; a LU-P-6401 e a LU-P-6402 no Vicedo; a LU-P-2806 entre Lourenzá e Mondoñedo; e dúas estradas municipais en Negueira de Muñiz
Lugo, 20 de xuño de 2025. A Xunta de Goberno da Deputación de Lugo aprobou este venres novos investimentos en mobilidade por un importe de preto de 3M€. Así o informou a Voceira socialista do Goberno, Pilar García Porto, tras a reunión. “Seguimos dando pasos cada semana, traballando con axilidade e eficiencia, en liña co noso compromiso para sacar adiante proxectos de mellora das estradas da nosa provincia”, valorou.
Gracía Porto explicou que entre A Pontenova e Trabada a institución provincial licitou por 195.970,09€ a mellora dun tramo de 4 quilómetros da LU-P-6102, que é a vía que conecta Pontepedrido e Trabada pola parroquia de Vilaformán. As obras que se van realizar nos primeiros catro quilómetros consistirán na reapertura de cunetas, a repavimentación e o pintado da vía. E o prazo de execución dos traballos será de 3 meses unha vez iniciados.
No Vicedo a Deputación licitou, cun investimento de 328.213,42€, a mellora de dous tramos de dúas estradas provinciais: A LU-P-6401, de Suegos a Folcoeira no límite provincial; e a LU-P-6402, que conecta O Vicedo con Cristo de Portapena. Ademais, con esta actuación tamén acondicionará un ramal de algo máis de quilómetro e medio que conecta ambas estradas á altura de Negradas.
As obras consistirán neste caso na reapertura de cunetas, pavimentación con aglomerado en quente e sinalización. E o prazo de execución tamén será de 3 meses.
Entre Lourenzá e Mondoñedo a Deputación aprobou investir 204.799,71€ na rehabilitación dun treito de 3,7 quilómetros da LU-P-2806, a estrada que vai desde Cazolga ata a parroquia mindoniense de Oirán. Os traballos, que se realizarán ao inicio da vía, contan cun prazo de execución de tres meses e consistirán na reapertura de cunetas, na pavimentación con aglomerado en quente e na sinalización horizontal mediante marcas reflexivas brancas.
No que ten que ver con proxectos relacionados coa mobilidade, a Deputación licitou tamén o arranxo de dúas vías municipais en Negueira de Muñiz a través dun acordo de colaboración co Concello dotado cun orzamento conxunto de case 290.000€. A mellora afectará dunha banda á estrada que une Negueira con Seira e, doutra, á que vai de Carballín a Bustelo.
As obras en ambos casos consistirán na reapertura de cunetas e pavimentación con aglomerado en quente. Estas actuacións terán cun prazo de execución de 2 meses.
Convenio con Xove para a cesión de 10 vías provinciais
Ademais, a Xunta de Goberno deu tamén luz verde a un convenio de colaboración co Concello de Xove por 1.636.807,30€, dividido en catro anulidades, para arranxar e ceder as 10 vías de titularidade provincial ao seu paso por este concello. “Como fixemos onte no Concello de Palas de Rei, onde firmamos a cesión dun tramo urbán da LU-P-2901, hoxe atendemos á petición deste Concello mariñán”, valoraba García Porto. Ademais do cambio de titularidade, a Deputación de Lugo acometerá as seguintes melloras:
A segunda fase do acondicionamento da estrada LU-P-2601, que é a vía que une a autonómica LU-862 con Portiño de Moras, nun treito de algo máis de 2 quilómetros -do 2,850 ao 5,524- quedando así arranxada a totalidade da estrada.
A rehabilitación do firme do trazado completo da LU-P-2604 que vai da autonómica LU-862 ata Valcarria por Monte.
Mellora do firme da LU-P-2605 completa, entre A Tronca e Tarolo por Vila.
E o arranxo dun treito da LU-P-6606 que une Augadoce con Fontao por Faro de máis de dous quilómetros, do 2,222 ao 4,629.
Tras realizar estas obras e unha vez se aprobe na sesión plenaria a Deputación cederá ao Concello de Xove estas vías xunto á LU-P-2602 desde Porto de Moras a Beltrán; a LU-P-2603 desde a autonómica LU-862 ata a LU-P-2061 por Chao de Aldea; LU-P-2606 desde Xove ata a Rocha; LU-P-2607 que vai desde Cruceiro ata Portecelo; LU-P-2609 desde Sumoas ata Toimil; LU-P-2610 que une Vara coa Área pola praia de Esteiro.
Adxudicadas as obras da LU-P-1005 en Carballedo
Adxudicadas ademais, por un importe de 149.046,57€ á empresa Obras e Saneamentos Galicia SL as obras de mellora da estrada LU-P-1005, no concello de Carballedo. Os traballos afectarán á totalidade da vía, desde o seu inicio ata o punto quilométrico 5,693, conectando ás parroquias de Cartelos e Furco, desde o lugar de Trasar ata Rañadoiro, no límite coa provincia de Ourense. O proxecto tamén inclúe o acondicionamento de preto de 500 metros do ramal que une esta estrada con Trasar de Sabugueiro, en Buciños. E os traballos consistirán na reapertura de cunetas, arranxo de afundimentos e repavimentación do firme. O prazo de execución dos traballos será de 3 meses unha vez iniciados.
Colaboración para a posta en marcha dun supermercado en Pol
Este venres, a Xunta de Goberno aprobou tamén un convenio de colaboración coa Fundación Terras de Pol dotado con 200.000€ para a posta en marcha dun supermercado neste municipio. O único que había na localidade, explicou García Porto, pechou pola xubilación dos seus propietarios e “grazas a esta achega facemos posible que os veciños e veciñas do concello conten novamente cun servizo básico e esencial coma este sen necesidade de desprazarse a outros concellos para mercar”.
O convenio servirá para adquirir o equipamento necesario para poñer en marcha este establecemento: cámaras de frío, conxeladores, estantes, mesas e caixas de cobro, seguridade e control ou portas e persianas automatizadas. Pero ademais o acordo tamén inclúe os gastos de salario e seguridade social do persoal durante un ano.
Impulsa TIC
Ademais, a Deputación adxudicou a ampliación do proxecto Impulsa TIC, o programa que puxo en marcha a institución provincial a finais do ano 2023 para a transformación dixital e a modernización das administracións locais da nosa provincia. MICROMEDIA S.L resultou adxudicataria das dúas actuacións desta nova liña á que solicitaron incorporarse 31 concellos da provincia.
Dunha banda, por 118.843,67€ encargarase da renovación dos servidores municipais. A duración do contrato será de dous meses e o prazo de garantía de 4 anos. O obxectivo é ampliar as capacidades e os recursos tecnolóxicos dos servidores municipais actuais. No contrato inclúese non só o subministro, senón tamén a instalación e configuración en cada un dos concellos.
Doutra, con 115.633,95€, implantará sistemas de protección e copias de seguridade que preveña accesos indebidos aos principais servidores e que tamén conteñan proteccións ante cortes de subministro eléctrico, co fin de aumentar a seguridade dos servizos municipais. A duración será tamén de 2 meses.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
