O PSdeG-PSOE de Foz pronunciase sobre o cambio de postura do Alcalde sobre a posibilidade de peatonalizar a Avenida da Mariña

Foz 30-09-2017. Din que o tempo pon todo no seu lugar e da e quita razóns e así esta pasando en Foz, agora resulta que o alcalde Castiñeira é partidario de peatonalizar a avenida da Mariña
Aos socialistas agrádanos que recolla a proposta estrela presentada no programa electoral co que o PSOE concorreu ás eleccións. Cabe recordar que os socialistas fixemos una campaña porta a porta para textar a opinión da xente sobre o tema e unha reunión, na casa da cultura, para informar aos veciños de todo o pobo sobre a posible peatonalización e para recoller as súas suxerencias á proposta
Agora ben, aínda que nos comprace a actual postura do rexedor, non podemos deixar de tachala como de unha hipocrisía supina, máxime cando aínda retumban as burlas e insultos que tivo que soportar o PSOE cando fixo a proposta. Ou cando vemos que as propostas de ampliación das vías alternativas, rúas Pilar e Cemiterio, caen en saco roto unha e outra vez, e a día de hoxe o Sr. alcalde ve nelas a solución.
O PSOE é coñecedor de que agora hai voces discordantes na avenida Álvaro Cunqueiro. Veciños que non queren que todo o peso tráfico o sufra a súa rúa. O tempo demostra, unha vez máis, que o PSOE tiña a razón cando lle dixo ao Alcalde que o que estaba facendo era empezar a casa polo tellado. Xa que, aínda sendo partidarios da peatonalización, os socialistas sempre reclamamos que antes había que buscar unha vía alternativa ao tráfico.
Peatonalizar hoxe avenida da Mariña supón superar varios retos. Coma suprimir todos os aparcadoiros da mesma e a metade dos de Álvaro Cunqueiro cando, non se tivo en conta dispor de prazas alternativas definitivas. O aparcadoiro enriba do porto esta habilitado sobre fincas privadas sen convenio subscrito e hai propietarios que se están volvendo atrás. Hai que ampliar a rúa do Pilar e dotar de beirarrúas a do cemiterio, medidas ambas para as que, o PSOE, leva pedindo se contemple partida nos orzamentos desde o inicio do mandato coa negativa seguida do Alcalde. Só agora, cando ve as orellas ao lobo e a realidade lle da na cara, ábrese á posibilidade.
Cabe a oportunidade de utilizar o solar que hai enfronte da casa de cultura para procurar uns aparcadoiros suficientes e contar cunha praza ao incluír no PXOM, a petición o grupo municipal socialista, que se rebaixaran as alturas e que se limite a construción ao fondo do solar. Pero aínda estamos ás expensas de aprobar o plan xeral. Xa fai mais dun ano da aprobación provisional e non hai visos de que en breves se dea a definitiva. Tivemos que soportar as presas de Alcalde para súa aprobación e nada. O grupo socialista leva preguntado máis de catro veces por el e todo son largas, mentres as consecuencias estanse a ver, construcións de cinco alturas onde co novo plan xeral serían de dúas, estruturas recién iniciadas e paralizadas a medio facer coma a de enfronte do Dandy, construción prevista na antiga cofradía, supoñemos que de varias alturas ou un tanatorio e unha gasolineira no medio do pobo. E seguro que, o solar que propoñiamos para aparcadoiro, acabará sendo unha mole de edificio de cinco alturas ou máis. Parece que o Alcalde está esperando a para que así sexa.
Esta é a maneira de facer do noso gobernante, desidia en temas moi importantes para o desenrolo do pobo de Foz e manobras como, fraccionamentos de contratos para non sacar obras a concurso público e darllas ás empresas amigas ou aínda que salgan, concederllas sempre á mesma empresa, como o curioso caso do pavillón, que a pesares se presentarse empresas potentes acabou en mans da mesma que leva todo en Foz. Unha baixada de 100.000€ ao final permitiuno pero, ou moi inflado estaba o orzamento das outras ou os materiais non poden ser os mesmos.