Saben os veciños e veciñas de Lourenzá que non acostumo a opinar nin a contestar ás críticas que aparecen nas redes sociais. Non vou contestar aquí ás opinións particulares, son todas respectables, sempre que sexan veraces e non intenten manipular á opinión pública. Pero si vou contestar ás verquidas por representantes políticos.
Apareceron nestes días de celebración da Festa da Faba comentarios sobre a miña persoa, que son recollidos e comentados nas publicacións sociais do Partido Popular de Lourenzá e que son de todo falsas.
Segundo o Partido Popular, o concelleiro de Cultura encargouse de tapar con postos un comercio de Lourenzá e deixou libre o establecemento que é propiedade da súa compañeira. Todo isto o publican acompañado de fotos.
É de moi mala fe facer este tipo de acusacións sen molestarse en contrastalas. Puideron facelo facilmente xa que coincidimos e nos saudamos en varios momentos durante as festas.
Vou intentar aclarar o que pasou realmente, teño testemuñas que poden dar fe.
O xoves empezaron a instalarse os postos e as casetas para a celebración da Festa da Faba. A propietaria dunha mercería chamoume para queixarse da instalación dun posto de hostalaría diante do seu comercio. É o terceiro ano que se sitúa alí. Acudín ao seu local, falamos de maneira distendida (agora sei que sería mellor pedirlle que o fixera por escrito) e quedei con ela en que falaría coa alcaldesa para intentar solucionar o problema, que consistía en desprazar un metro, máis ou menos, a ubicación do citado posto. A alcaldesa púxose en contacto con ela e coa propietaria do posto. Intentouse dar solución ao problema, pero había que deixar paso ao tren turístico. A propietaria do posto comprometeuse a retirar parte da lona para darlle visibilidade á tenda e así o fixo.
Eu, aínda que levei moitos temas da Festa da Faba, non me encarguei directamente da ubicación dos postos, pero logo dun comentario dun familiar da propietaria da mercería, din orde á traballadora municipal que se estaba encargando de situar os postos de que por suposto puxera un diante do comercio da miña compañeira, “o máis grande que teñas” foi o encargo, ao que me contestou que xa estaba marcado un. De feito aparece o número 39 pintado de vermello na beirarrúa. Algúns dos postos de artesáns que chamaron ao Concello e tiñan posto reservado non acudiron á festa nin avisaron de que non viñan. E, por desgraza e moi ao meu pesar, un deles foi o que tiña adxudicado o lugar 39.
Os veciños e veciñas de Lourenzá e todas as persoas que me coñecen saben que sería incapaz de facer algo así intencionadamente, entre outras cousas porque de tonto non teño un pelo, e sei o que se me podía vir encima, como así foi.
Non son persoa, aínda que alguén pense o contrario, que lle guste dar ordes. Non tomo ningunha decisión no Concello sen consultalo coa alcaldesa. Pero si houbo unha orde que din nada máis chegar ao Concello de Lourenzá. Falei coa alcaldesa e coas administrativas encargadas de realizar as compras e din a orde de que mentres forme parte da corporación se deixara de comprar no comercio da miña compañeira. Ela, que non se adica á política, merece un respecto e non este trato que está recibindo sen ter culpa ningunha. En dous anos e medio de lexislatura incumpriuse esta orde en dúas ocasións, dous casos excepcionais, porque non se tiña nese momento outro sitio onde facelo.
Outros critican, pero non fixeron o mesmo ocupando tamén cargos públicos. Están no seu dereito, pero non se me pode acusar a min de interese persoal.
Espero que quede todo aclarado, de non ser así, sabe todo o mundo que pode falar comigo no Concello ou alí onde me vexan e estarei á súa completa disposición, como creo que fago sempre.
O Partido Popular intenta, como xa fixo na pasada edición, enturbiar o éxito de Festa da Faba, creando polémica onde non a hai. Pero, máis que lles pese, foi a edición deste ano a mellor de todas, tanto en xente como en organización. E a próxima seguro será aínda mellor. Traballaremos arreo para que sexa así.
Viva a Festa da Faba! Grazas, Lourenzá!
Manuel Arango Ron, tenente alcalde e concelleiro de Cultura de Lourenzá
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
