Lugo, 29 de novembro de 2017. A Deputada de Promoción Económica e Social, Sonsoles López Izquierdo, mantivo este mércores un encontro cos 20 alumnos do Obradoiro de rehabilitación do mirador de Mondoñedo, unha iniciativa deseñada polo Goberno Provincia coa que se busca ofrecer formación e prácticas remuneradas a desempregados, facilitando a súa inserción no mercado laboral.
Sonsoles López apuntou que “grazas a este obradoiro de emprego, deseñado e planificado polo Executivo Provincial, son 20 os desempregados da nosa provincia que traballan na reconversión desta infraestrutura dentro da aposta do Executivo da Deputación por poñer en valor o patrimonio provincial, dotándoo de uso público. E farano ata xuño de 2018”.
Neste senso, a Deputada solicitou un maior compromiso da Xunta de Galicia na concesión das deste tipo de axudas, encamiñadas á inserir laboralmente a lucenses en paro, e lembrou que só durante estes últimos 3 anos, o Goberno da Deputación solicitou un total de 12 accións formativas, dirixidas a formar e insertar no mercado laboral a case 200 persoas; pero a Xunta de Galicia só concedeu 2, dirixidos a 44 desempregados e privando a uns 150 lucenses a participar neste tipo de iniciativas en impulso do emprego.
A Deputada remarcou o compromiso do Goberno Provincial coa xeración de emprego na provincia e apuntou que só durante este último ano, foron 700 as persoas en paro que atoparon traballo grazas ás programación en impulso da contratación postas en marcha o Executivo da Deputación: Ben Empregado 3 e 4; e DepuEmprego 1 e 2.
1ª Fase
O Proxecto de reconversión do mirador de paredóns conta cunha subvención para esta primeira fase, dotada de 274.000 euros, dos que o Goberno da Deputación achega 50.000 euros. Durante esta anualidade, inícianse os traballos de acondicionamento do exterior da fachada, peches, cuberta e carpintería, entre outros. Na vindeira anualidade, presentaremos un novo proxecto para concorrer a estes obradoiros para executar unha segunda fase, que será de acondicionamento e mellora do interior.
Características do proxecto
O Mirador de Mondoñedo é unha infraestrutura de 1.790 m2 que se atopa á entrada do municipio mindoniense, ao pé da N-634. Está formado por 7 niveis que se van integrando no propio terreo, cunha elevada pendente na parcela. Na parte superior, atópase o acceso ao recinto, a partires da que se atopan dúas plantas baixas e un conxunto de 4 niveis cos módulos das habitacións.
Deste xeito, os traballos que se executaran consisten no acondicionamento da parcela, con desbroce, poda e plantación da zona verde, reparación da calzada, do aparcamento e da zona peonil. Tamén se iniciará a limpeza do interior, retirando o mobiliario, escombros, carpintería, elementos deteriorados e non utilizables; falsos teitos e particións. Acondicionaranse os peches de protección dos desniveis e tratamento superficial.
Ademais, limparase e recuperarase toda a cuberta de pizarra, e incluso os elementos estruturais en mal estado. Na parte exterior dos edificios, farase unha reparación da carpintería exterior, instalación das pezas necesarias, reposición de elementos como portas ou fiestras; substitución dos cristais, lixado, limpeza e pintura.
Formación dos alumnos
Os alumnos deste obradoiro realizarán un total de 1.440 horas de formación mediante doce módulos. O obxectivo do mesmo é capacitar aos alumnos no coidado e rehabilitación de edificios, así como proporcionar aos traballadores nova formación, e facilitar deste xeito a saída laboral destes operarios.
Os módulos que se impartiran son: Labores auxiliares de obra; pastas, morteiros, adhesivos e formigóns; tratamento de soportes para revestimento en construción; enfoscado e guarnecidos; pintura e materiais de imprimación e protectores en construción; obras de fabrica para revestir; tratamentos auxiliares en revestimentos con pezas ríxidas.
Disporán tamén de formación complementaria como sensibilización ambiental; alfabetización informática; inserción laboral e técnicas de emprego; prevención de riscos laborais, ou formación para a igualdade, entre outros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
