Ribadeo, 22 de novembro de 2017. O alcalde, Fernando Suárez, segue agardando desde hai máis dun ano por unha resposta da Xunta de Galicia á solución transitoria e gratuíta proposta para o xulgado de paz de Ribadeo. O rexedor está disposto a ceder un local municipal para que os traballadores poidan desenvolver a súa labor do mellor xeito posible. Trátase da antiga oficina de turismo.
Suárez Barcia lembrou unha vez máis que “se ben o edificio do xulgado de paz é de titularidade municipal, as competencias en xustiza non o son, sobre todo despois da modificación da lei do Estado 27/2013 de réxime local que di que as competencias en xustiza non son dos concellos, senón da comunidade autónoma ou do Estado. Polo tanto parece pouco menos que un insulto que dunha maneira absolutamente discrecional soamente poidan desde a Xunta dar 26.000 euros en materia de pintura, algo de calefacción e pouco máis cando o que se necesita é unha rehabilitación estrutural, que suporía un desembolso (como xa dixemos no seu día) de 190.000 euros”.
O alcalde engade que “a carta enviada a Alfonso Rueda, vicepresidente da Xunta e titular de Xustiza, en setembro de 2016 segue estando en vigor no día de hoxe, e un ano e pico despois seguimos a agardar por unha resposta en Ribadeo”.
Fernando Suárez proponlle á administración autonómica outra actuación: “senón están conformes coa cesión da antiga oficina de turismo, o que poden facer é desde a Xunta ceder algún deses baixos que están sacando á venda, situados nas vivendas sociais, e que se atopan a moi poucos metros do local proposto polo Concello. Se non queren dar cartos para arranxar algo que a nós non nos corresponde, o que poden facer é habilitar un lugar para os que traballadores do xulgado de paz, que son traballadores da Xunta, poidan facer a súa labor do mellor xeito posible”.
ÚLTIMA HORA
- O Mercado Medieval de Mondoñedo volve do 7 ao 9 de agosto
- Burela presenta unha playlist colaborativa que celebra a riqueza cultural da vila
- Ribadeo será o primeiro concello galego en aprobar unha ordenanza específica para autocaravanas e vehículos camperizados
- O PP advirte das presuntas irregularidades do alcalde de Muras por pagar facturas por riba do límite legal para contratos menores a gabinetes xurídicos próximos ao BNG
- Novas actividades de Cervo Concilia no verán
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga. - 670 racións servidas na III Festa do Mexillón organizada polo Celta Barreiros
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”. - Cervo volveu responder cunha participación masiva, enchendo a Praza dos Campos para compartir unha final inesquecible nun ambiente cheo de ilusión, emoción e orgullo colectivo
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade. - A Biblioteca Municipal de Ribadeo acollerá o mércores 22 de xullo, ás 20:00 horas, a presentación da curtametraxe Retornar a Bretaña xunto co libro Tras os pasos de Castelao na Bretaña, obra de Robert Neal Baxter Ford
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao. - Unha persoa perdeu a vida tras unha saída de vía en Trabada
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida. - O delegado territorial da Xunta en Lugo, Alfonso Villares, asistiu este venres ao Festival Folklórico Internacional de San Cibrao, organizado polo Grupo Folklórico Mistura de Lieiro en colaboración co Concello de Cervo
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”. - A Presidenta da Deputación, Carmela López, xunto ao Alcalde de Foz e Deputado provincial, Francisco Cajoto, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
2021 Crónica 3 A Mariña - Implementado por GaliciaDigital