Foz, 22 de novembro de 2017. O alcalde de Foz, Javier Jorge Castiñeira, mantivo unha reunión con representantes de asociacións que reciben subvencións do Concello, co fin de explicarlles como teñen que facer para xustificalas ante o recente cambio na lei que regula este asunto. O rexedor salientou que no ano 2016 o Concello focense concedeu máis de 220.000 euros en axudas para estes colectivos.
Javier Castiñeira explicou: “reunímonos cos responsables das asociacións culturais, deportivas e tamén o Centro Comercial Aberto, que reciben subvencións municipais por parte do Concello, para tratar de avaliar coa nova interventora todas as subvencións que hai pendentes de xustificar aínda do ano 2016 e as deste ano 2017. O encontro foi para tratar entre todos de ter unha mesma idea á hora de xustificar as subvencións. Sabemos que durante este último ano se aprobou unha modificación da lei de subvencións, que vai afectar a todas as asociacións, e polo tanto trátase de que o Concello informe destas situacións para tratar de levalo o mellor posible”.
O alcalde salientou que “en total no ano 2016 son máis de 220.000 euros os que se reparten entre diferentes asociacións culturais, deportivas e económicas do noso concello, que ao final redundan en cantidade de actos, festivais e outros eventos que se fan no municipio. E para este ano 2017 ampliáronse un pouco as subvencións a grupos de teatro e tamén aos coros parroquiais, que eran os que máis baixas as tiñan. A urxencia é tratar de xustificar durante este ano as do 2016 e ir preparando xa as do 2017”.
Castiñeira dixo tamén que “foi unha reunión positiva para tratar de coordinar a todos os grupos e asociacións para que poidan cobrar nas mellores condicións as subvencións municipais que lles corresponden”.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.