Lugo, 23 de novembro de 2017. A Deputada de Benestar e Igualdade, Sonsoles López Izquierdo, avanzou este xoves que o Goberno da Deputación atende xa 1.279 maiores de toda a provincia co seu servizo de Teleasistencia gratuíta. Con respecto ao ano pasado, son 411 lucenses máis os que contan con esta prestación provincial. López Izquierdo informou sobre este incremento no número de usuarios nun encontro cunha veciña do Saviñao de 88 anos que conta co mesmo. Este tivo lugar no domicilio da mesma, onde comprobaron, cunha traballadora social, o seu funcionamento mediante un simulacro. O Goberno da Deputación ten dispoñibles outras 276 prazas, pois financia con 300.000 euros un total de 1.555 prazas. Os interesados poden solicitalas en 982 260 138.
O Executivo Provincial renovou a Teleasistencia provincial, acadando un servizo máis social e profesional, e aumentou o número de prazas. Fíxoo debido á necesidade desta prestación nunha provincia coma Lugo, claramente envellecida e con déficit de servizos sociais por parte da Xunta, que é a administración galega coas competencias directas nesta materia.
Deste xeito, o Goberno da Deputación ofrece a custo cero a Teleasistencia provincial a todos os maiores dos municipios lucenses, sexan dependentes ou non, pero con dificultades en canto a súa autonomía. E faino porque a Xunta obriga ao copago da Teleasistencia autonómica, que só ofrece a persoas catalogadas hoxe como dependentes, deixando fóra a centos de maiores con limitacións porque non están recoñecidos como dependentes.
Un servizo máis social e profesional
En canto á gratuidade da Teleasistencia da Deputación, e profesionalizando a Teleasistencia cunha maior implicación dos traballadores; cómpre subliñar que o Goberno Provincial fixou que sexan os propios asistentes sociais os que valoren a situación de cada un dos demandantes desta prestación á hora de determinar se deben ser ou non usuarios co obxectivo de que conten coa Teleasistencia provincial todas as persoas que realmente a necesitan. Ditos profesionais fano in situ, en visitas aos propios domicilios dos posibles beneficiados, coñecendo de 1ª man a súa situación.
Facendo aínda máis social a Teleasistencia provincial, o Executivo Provincial incluíu, por primeira vez, baremos psicosociais e psicosanitarios na concesión das prazas. Deste xeito, tense en conta aspectos como o grao de soidade, a capacidade na toma de decisións, a situación familiar dos demandantes, o ámbito ou condicións da vivenda, se viven en lugares do rural illados, entre outros moitos aspectos.
Distribución das prazas por zonas
Os usuarios do servizo de Teleasistencia da Deputación son 1.279 persoas. Do total, o 81% son mulleres, 1.041; e o 19% homes, 237. A distribución por zonas é a seguinte.
A Mariña: son 335 persoas as que desfrutan do servizo, que representan un 26.1% do total de prazas. A distribución é a seguinte: Riotorto 2; A Pontenova 5; Ribadeo 88; Trabada 9; Barreiros 20; Foz 22; Lourenzá 12; Mondoñedo 28; Alfoz 16; Burela 23; O Valadouro 6; O Vicedo 12; Viveiro 60; Xove 2; Cervo 24; e Ourol 6.
Terra Chá: son 229 persoas as que desfrutan do servizo, que representan un 17.9% do total de prazas. A distribución é a seguinte: Pol 11; Meira 7; Ribeira de Piquín 1; Abadín 15; Muras 5; Castro de Rei 25; Cospeito 14; Guitiriz 24; A Pastoriza 20; Vilalba 56; Xermade 27; e Begonte 24.
Comarca de Lugo: son 249 persoas as que desfrutan do servizo, que representan un 19.5% do total de prazas. A distribución é a seguinte: Castroverde 9; Lugo 179; O Corgo 12; Friol 12; Guntín 4; Outeiro de Rei 9; Portomarín 4; e Rábade 20.
Comarca de Sarria: son 100 persoas as que desfrutan do servizo, que representan un 7.8% do total de prazas. A distribución é a seguinte: O Incio 7; Láncara 6; Paradela 12; O Páramo 1; Samos 2; Sarria 71; e Triacastela 1.
Comarca da Ulloa: son 21 persoas as que desfrutan do servizo, que representan un 1.7% do total de prazas. A distribución é a seguinte: Antas de Ulla 2; Monterroso 7; e Palas de Rei 12.
A Montaña: son 61 persoas as que desfrutan do servizo, que representan un 4.7% do total de prazas. A distribución é a seguinte: Baleira 10; Negueira de Muñiz 1; A Fonsagrada 18; Baralla 13; Becerreá 3; Cervantes 6; Navia de Suarna 2; As Nogais 2; Pedrafita do Cebreiro 6; Folgoso do Courel 0.
Lemos e Chantada: son 284 persoas as que desfrutan do servizo, que representan un 22.3 % do total de prazas. A distribución é a seguinte: Bóveda 11; Monforte de Lemos 79; Pantón 20; A Pobra do Brollón 9; O Saviñao 29; Sober 22; Quiroga 27; Ribas de Sil 22; Carballedo 13; Chantada 40; e Taboada 12.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
