As monitoras de Gaia impartiron este luns unha charla sobre a xestión sostible da auga. Foi para o alumnado de 4º de eso do IES Perdouro

Desde Gaia sinalan que “a auga forma parte dos recursos naturais de maior importancia para a vida e supervivencia do home, polo cal é indispensable facer un uso eficiente deste recurso, xa que, lamentablemente a seca axexa ao noso país”. A concelleira de Medio Ambiente, Noelia Mª Ben, explica que “a causa inicial de toda a seca é a falta de precipitacións, o que deriva dunha insuficiencia de recursos hídricos. Con esta charla preténdese concienciar aos estudantes sobre a importancia de facer un uso eficiente e aforro deste recurso natural tan prezado”. A edil burelesa engade que “o alumnado estivo atento ás explicacións das monitoras participando en todo momento facendo preguntas, posteriormente cubriron un cuestionario sobre hábitos cotiáns do uso da auga nos seus fogares e para rematar as monitoras ensináronlles aos alumnos algúns sistemas de aforro de auga como son o uso de aireadores, perlizadores ou redutores de caudal que se poden instalar nas billas ou nas cisternas”.