En Foz, a 3 de decembro 2017. “Foz, Plataforma de Futuro” nin acepta nin asume as críticas á esta formación vertidas nas redes sociais e na prensa sobre o voto emitido en contra do peche da Aula da Natureza de Foz.
1°. Somos os impulsores no pleno municipal de defender os animais e a súa contorna presentando unha moción en abril de 2016 solicitando a mellora de dita aula e denunciando as súas deficiencias. Foi aprobado pola maioría, ¿entón por que non se fixo?
Preguntouse en repetidas ocasións ó respecto e a resposta era sempre a mesma , que estaban niso .
Comenta o Sr. Alcalde que evitaron despois de moito esforzo unha multa de 60.000 € por non estar ó corrente coa lexislación vixente.
Despois de tanto esforzo , entón ¿por que non se coida acertadamente? Non é entendible.
Nos apostamos por ter estas instalacións lúcidas e hixiénicas tanto como os animais en condicións saudables, consultamos cun experto en aves e comunicounos que o traslado ou liberación destas aves suporía a súa morte pois están acostumadas ó seu hábitat diario.
2°. Non aceptamos esta proposta do equipo de goberno pois de querer facelo o Sr. Alcalde dispón de potestade suficiente para efectuar o seu peche sin pasar polo pleno municipal, ¿que busca entón despois de ter así el as instalacións?
Saír á prensa en primeira páxina dun xornal rexional a bombo e platillo, supoñemos que previo pago; ¿non sería mellor gastalo nas aves e no seu mantemento? Creemos que isto é unha trama, ou trampa política, para atacar e desprestixiar á oposición que se serve da boa vontade dos membros e membras da Protectora de Animais de Foz.
E agora viranos co asunto dos orzamentos. Sí, eses orzamentos dos que fala e que nós apoiamos para que a Asociación Asistencial Protectora de Animais de Foz tivese unha nova ubicación, previamente pactada con dita protectora, e que supostamente xa conta cun proxecto e está a piques de contratarse, cousa que xa nos fai dubidar.
Por estes e máis motivos nin aceptamos nin asumimos tales críticas.
Nós non somos os responsables do estado lamentable de abandono da aula da Natureza, coñecida despectivamente como “pajarera” polo Sr. Alcalde.
O único responsable e o actual xestor deste Concello, o Sr. Alcalde de Foz.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
