Burela 16-12-17. Ao Pescados Rubén Burela FS non lle sentou ben o descanso da competición e non puido aproveitar o empate do líder, Atlético de Madrid Navalcarnero, con Cidade das Burgas (2-2). Era o maior temor do seu técnico Julio Delgado, que se rompese a boa dinámica que conseguiran afianzar as súas pupilas nas últimas citas, e lamentablemente cumpriuse. O conxunto laranxa non conseguiu entrar nun partido no que o Leganés Masdeporte, con maior intensidade, levou a batuta no electrónico, con 4-0 xa ao descanso, facendo moito dano en contraataque.
Os compases iniciais non presaxiaban o desenlace desafortunado, con dominio burelista. No minuto 6, Julia Forsiuk case sorprende á meta local cun disparo escorado, pero foi o Leganés o que conseguiu levar a iniciativa no ecuador da primeira parte desde saque de esquina nas zapatillas de Puche, no rexeitamento. Tivo unha ocasión moi clara o Pescados Rubén en xogo de cinco para igualar a contenda no minuto 15, con todo de novo foron as locais as que atoparon o premio, na contra rápida, sen porteira, con Mali. No 19 Ángela subiu o terceiro para o Leganés, de novo nun roubo. Antes de chegar ao descanso, as locais ampliaron a fenda co 4-0, con Patri cortando o xogo de cinco burelista e anotando desde a súa pista a porta baleira.
Foi a por todas o Burela FS regresando á pista con porteira xogadora desde o inicio e reduciu distancias nun suspiro, de vaselina, de Dany, cun rexeitamento ante a meta madrileña adiantada. Jozi freou, acto seguido, o que podería ser o quinto do Leganés e seguírono intentando as galegas, pero definitivamente non era a tarde do Pescados Rubén, faltáballe frescura. No 30, o Leganés aproveitou de novo un roubo na pelexa na súa área, cun lanzamento desde cancha propia, de novo sen meta baixo a rede burelista. As laranxas non perderon as ganas; no minuto 35, Cilene ao segundo pau, non conseguiu finalizar, e no 38, Bea Mateos superou a meta local, pero sacoua Mali baixo paus. Segundos despois Saki subiu o definitivo 6-1, cunha nova porta baleira.
Ficha técnica
Leganés Masdeporte: Sandra, Patri, Mónica, Amparo, Saki, cinco inicial; tamén xogaron Ángela, Laura, Mali, Bea, Puche
Pescados Rubén Burela FS: Ana Romero, Dany, Cilene, Bea Mateos, Lara, cinco inicial; tamén xogaron Julia Forsiuk, Sara Correia, Judith, Tai, Jozi
Goles: 1-0, minuto 10, Puche; 2-0, minuto 15, Mali; 3-0, minuto 19, Ángela; 4-0, minuto 20, Patri; 4-1, minuto 21, Dany; 5-1, minuto 30, Bea; 6-1, minuto 38, Saki
Árbitros: Martín Rodilla // Morales Ibáñez (Madrid). Por Leganés amarela a Mali. Por Burela amarela Bea Mateos e Cilene.
Incidencias: Partido correspondente á xornada 12 de Primeira RFEF disputado no pavillón La Fortuna.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
