Alfoz, 17 de Decembro de 2017. O programa de actividades de Nadal de Alfoz, deseñado para os máis pequenos, comezará o vindeiro sábado 23 de decembro ás 15:30 horas cun obradoiro de creación de bolas de Nadal organizado pola Anpa do Ceip Castro de Ouro. O prezo da actividade, que se desenvolverá na Omix do Centro Sociocultural de Alfoz, é de 12 € e os interesados poden apuntarse ata o martes 19 de decembro.
O mesmo día ás 18:00 horas, no salón de actos do mesmo centro terá lugar a actuación do grupo A Tropa de Trapo que nos traerá a obra “Antía, Wamba e o regato pequeño”, espectáculo no que Wamba lle contará a Antía catro historias que falan de África e de Europa, do que nos sobra e do que nos falta, de compartir de verdade, de valorar o importante, de rir, de mirar con esperanza ao futuro… contos para bailar e cantar, para xogar, pero tamén para sentir e pensar. Este espectáculo, que será de valde, é distribuido pola Cooperativa de Artistas Galegos Charlatana, e é ofrecido polo Fondo Galego de Cooperación e Solidaridade, do que é socio o Concello de Alfoz. Tras o espectáculo entregaranse os premios do XV Concurso de Postais de Nadal organizado pola Biblioteca Municipal de Alfoz.
Na última semana do ano chegará un ano máis o programa “Pequenadal”, consistente en obradoiros creativos que se desenvolverán os días 27, 28 e 29 de decembro en horario de 11:30 a 13:00 horas na Omix do Centro Sociocultural de Alfoz. As prazas para esta actividade son limitadas, estando as inscricións abertas ata o vindeiro día 20 nas propias oficinas municipais do Concello de Alfoz ou no teléfono 982 558 001.
Para rematar as actividades deste 2017, o sábado 30 de decembro, Peter Punk Pallaso e Brais das Hortas tráennos “Concerto Punk Infantil”, espectáculo de clown, circo e música, no que os dous artistas xuntan talentos para divertir aos máis pequenos e a toda a familia. Este espectáculo será igualmente de valde e celebrarase no salón de actos do Centro Sociocultural de Alfoz a partir das 17:00 horas, sendo ofrecido pola Área de Cultura da Deputación Provincial de Lugo, coa distribución da Cooperativa de Artistas Galegos Charlatana.
Para a primeira semana do ano está prevista a celebración da tradicional Cabalgata de Reis na tarde do 5 de xaneiro, organizada pola AXC O Castelo, coa colaboración do Concello de Alfoz.
Desde a delegación de Cultura e Turismo do Concello de Alfoz deséxanlle a veciños e visitantes unhas Boas Festas.
Alfoz despide o ano con diferentes actividades para os máis pequenos
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
