“Paganinis os de sempre, os veciños de Viveiro”

Fai uns días, revisando os decretos que se achegaban coa convocatoria do pleno do concello de Viveiro do sete de decembro, aparecía un no que se fixaba o pago de 31.161 € – pago de salarios dun ano máis o 20% de recargo da cuota da Seguridade Social – que o Concello lle tiña que pagar a un traballador como consecuencia dunha sentencia firme que declaraba a nulidade do seu despido e o condeaba non so a pagar esta indemnización, senón tamén a su readmisión o seu posto de traballo, en concreto á conserxería dun colexio da nosa cidade.
No seu momento esta sentencia decía que se producira unha contratación fraudulenta por parte do concello e que polo tanto non existía causa para a extinción do contrato, salvo a represalia porque o traballador exercera o seu dereito – solicitarlle o Concello o recoñecemento do carácter indefinido do seu contarato – a través da acción xudicial.
En todo o tempo que durou este litixio, o Concello de Viveiro sacou esa plaza de conserxe e cubriuna con outra persoa, agora desplazada a outro posto de traballo como consecuencia da readmisión do que estaba nun primeiro momento, co que chegamos a xuntarnos con dous conserxes para a mesma praza.
Ante este tipo de situacións onde observamos que meten e sacan xente o seu gusto, cabería preguntarse que clase de política de contratación leva a cabo o noso Concello, xa que sempre acontecen fenómenos extraños que acabamos pagando os veciños de Viveiro do noso peto, non hai máis que recordar os máis recientes do “pisicinazo” municipal, onde unha vez máis os xuices enmendaronlle a plana á Sra. Alcaldesa, tendo que volver a valorar algunhas plazas cos conseguintes movementos de traballadores que levarán consigo novas reclamacións e novas indemnización que sufragaremos entre todos.
Queda claro que á Sra. Alcaldesa e o seu equipo de goberno non lles doe dilapidar os cartos dos veciños en asuntos que non reportan ningún beneficio ós mesmos, porque xa non so acontece cos casos de contratación de persoal, senón que tampouco lles importou demasiado a busqueda dos 22.000 € que se esfumaron das contas de Aparcamentos de a Mariña como por arte de maxia.
Sin dúbida disparar con polvora do rei sempre foi moi doado. Se fora dos seus petos e eles foran os paganinis, seguramente outro galo cantaría e poñerían máis rigor e máis interese nas súas actuacións e nas súas consecuencias. Está claro que mentres os paganinis sigamos sendo sempre os mesmos, os veciños de Viveiro, pouco vai a cambiar a súa nefasta xestión.

Antonio J. Bouza Rodil
Portavoz PP de Viveiro