Burela 24-12-17. Vista Alegre non puido despedir 2017 e a primeira volta con tinte laranxa no emocionante derbi ante Noia (0-2). O gol resistíuselle a un traballador Pescados Rubén Burela FS, ao que lle faltou intelixencia en certas fases do xogo, fronte a un rival que soubo levar o duelo con orde, desde a defensa, e grande acerto nas súas ocasións, con 0-1 en estratexia de banda e 0-2 en cinco para catro.
Logo duns minutos iniciais nos que o perigo estivo na rede do Noia, foron os visitantes os que se atoparon con demasiado premio, en balón parado, de Kohei, cumpríndose o 7 de xogo. Roldando o ecuador do primeiro acto, Zardoya, cun pé prodixioso, salvou aos de Julio Mougán da igualada. No 14, Renato serviulla en bandexa a Kelson, sen éxito fronte ao meta coruñés, e no 17, o pau evitou a tentativa baixa de Víctor.
Regresaron con fame de gol os de Juanma Marrube, estrelándose ata a extenuación contra Zardoya. Antes do minuto 25 xa o intentaron Renato (22), Luisma (24) por partida dobre e Chus (23 e 24), este último con Xuxa como freo. No 28 Pope volveu poñer en pé á Bomboneira, sen recompensa. A primeira con serio perigo para Noia protagonizouna Quintela, no 31, cun impertérrito Edu. Tras a oportunidade de ouro de Chus, a balón parado no 37, que conseguiu desviar o porteiro rival coa xema dos dedos, Hélder abandeirou o xogo de cinco. Segundos despois, o esférico quedouse na liña de meta co tándem Víctor-Luisma e Hélder quedou sen ángulo fronte a Zardoya. Cando máis méritos estaba facendo Burela para o gol, chegou o segundo do Noia, a porta baleira, a falta de 53 segundos para a bocina final.
Ficha técnica
Pescados Rubén Burela FS: Edu, Víctor, Luisma, Chus, Colacha, cinco inicial; tamén xogaron Hélder, Renato, Pope, Kelson
Noia Portus Apostoli: Zardoya, Christian, Xuxa, Quitela, Nené, cinco inicial; tamén xogaron Quique, Marci, Álex, Kohei
Goles: 1-0, minuto 7, Kohei; 0-2, minuto 40, Quintela
Árbitros: Carreira Romero // Ferrero Carballal (Galicia). Por Noia amarela para Álex, Quique, Quintela
Incidencias: Partido correspondente á xornada 15 de Segunda LNFS, disputado en Vista Alegre ante unhas 700 persoas, con presenza do delegado de Deportes da Xunta de Galicia en Lugo, Manuel Otero, e do representante de Fútbol Sala na RFGF, Pablo Prieto, entre outras autoridades.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
