Viveiro 17-1-18. A cadea hostaleira Galipizza, que naceu en Viveiro (Lugo) no verán de 1993, aposta forte coas promocións do seu 25 aniversario: a empresa regalará entre os seus seguidores un suculento
premio para toda a vida: entrada gratis de por vida para o Resurrection Fest e comida gratis en
Galipizza durante os días que se celebre o festival, un dos festivais máis importantes e multitudinarios do panorama internacional e que este ano ten como cabezas de cartel aos míticos Kiss e Scorpions.
A promoción foi anunciada na noite do pasado luns e xa está a ter unha grande repercusión nas redes sociais, onde se mantén a expectación sobre que será necesario para participar. De momento Galipizza limitouse a anuncialo baixo o lema “Que farías ti para conseguir isto?”, sen especificar as condicións do concurso.
As respostas dos seus “galipizzeros” son tan variadas e atouladas como tatuarse no corpo os logos do Resu e de Galipizza, peregrinar ou mudarse a Viveiro, superar retos gastronómicos extremos ou mesmo saltar en paracaídas comendo galipizza.
O premio é claro: o gañador conseguirá 4 entadas gratis de por vida para vir ao Resurrection Fest, e durante os días que se celebra o festival poderán tamén comer gratis en Galipizza Viveiro.
“Levamos anos lanzando promocións relacionadas co ‘Resu’, pero sempre tiñan lugar dentro dos nosos locais, polo que os ‘galipizzeros’ que viven fora nunca podían participar”, indica José Manuel Vázquez ‘Leman’, xerente de Galipizza. “Esta é a primeira vez que lanzamos unha campaña internacional, pois poderán acceder ó premio persoas de calquera parte do mundo, pero que veñan ao Resurrection Fest, claro”. Esta acción é a primeira de moitas que está organizando a empresa para celebrar este ano
especial aniversario, xa que ademáis dos 25 anos de Galipizza en Viveiro conmemoran os 10 anos do seu local Dékada e os máis de 20 anos de Galipizza en Ribadeo.
Están organizadas pola Asociación de Festexos A Granda. Arrrancarán este venres, 18 de xullo ás 20 horas, cunha gran churrascada seguida de verbena con Oca Band e Conxuro Disco Móbil.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
