Viveiro 27-1-18. A cadea hostaleira Galipizza, que naceu en Viveiro no verán de 1993, aposta forte coas
promocións do seu 25 aniversario: a empresa regalará entre os seus seguidores un suculento premio para toda a vida: entrada gratis de por vida para o Resurrection Fest e comida gratis en Galipizza durante os días que se celebre o festival, un dos evento máis importantes e multitudinarios do panorama internacional e que terá como cabezas de cartel na edición deste ano aos míticos Kiss e Scorpions.
A promoción, que leva días levantando expectación nas redes sociais, xa está en marcha e o reto consiste en crear unha peza audiovisual (foto ou vídeo) que combine estes tres ingredientes: a esencia de Galipizza, do Resurrection Fest e do grupo Kiss.
Galipizza ofrece entrada gratis para toda a vida no Resurrection Fest e comida gratis no seu local de Viveiro de por vida durante os días que se celebra o festival ao gañador do concurso e aos 3 amigos que elixa para acompañalo toda a vida.
O prazo para enviar as pezas do concurso finaliza o sábado 30 de xuño e pouco despois darase a coñecer o gañador e os seus acompañantes, que a comezos do mes de xullo xa poderán disfrutar do seu primeiro ano de Premio, que será válido “mentres sigamos existindo Galipizza Viveiro, o Resurrection Fest en Viveiro e a persoa gañadora do concurso”. O premio non se pode herdar nin transmitir a ootras persoas.
Agora ábrese o prazo para a creación e envío das obras, das que se valorará a súa creatividade e orixinalidade, a sorpresa que cause e tamén a repercusión social que poida lograr nas redes e medios de comunicación. O envío das imaxes ou a solicitude de información pode realizarse a través da web de Galipizza ou das súas redes sociais.
“Levamos anos lanzando promocións relacionadas co ‘Resu’, pero sempre tiñan lugar dentro dos nosos locais, polo que os ‘galipizzeros’ que viven fora nunca podían participar”, indica José Manuel Vázquez ‘Leman’, xerente de Galipizza. “Esta é a primeira vez que lanzamos unha campaña internacional, pois poderán acceder ó premio persoas de calquera parte do mundo, pero que veñan ao Resurrection Fest, claro”.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
