Barreiros, 7 de xaneiro de 2018. O Bloque Nacionalista Galego en Barreiros fixo público que as chaves do vehículo de protección civil cedido pola Vicepresidencia da Xunta de Galiza ao Concello de Barreiros non están en mans da persoa responsable dos operativos de emerxencias e protección civil, debido a que desde a Alcaldía se solicitaron antes do Nadal para unha persoa particular que a única relación que ten co Concello de Barreiros é ter unha empresa que realiza traballos para o municipio. “Non sabemos se é que o Alcalde de Barreiros pretende tamén a privatización deste servizo”, ironizan desde a formación nacionalista.
“Nos eventos que houbo durante o Nadal, todo o mundo puido comprobar como as persoas voluntarias de Protección Civil facían os operativos nos seus vehículos particulares, mentres o vehículo cedido pola Xunta para esta función era utilizado para outros fins”, relata a portavoz municipal do BNG.
“A última vez que puidemos comprobar esta situación foi hoxe mesmo, durante o desenvolvemento da Carreira de Reis que se organiza en San Cosme, onde mesmo utilizaron vehículos particulares para acompañar o percorrido da carreira”, afirman.
Para o Bloque Nacionalista Galego esta situación “non só é esperpéntica, xa que pode darse a situación de que haxa unha emerxencia neste Concello de madrugada, por exemplo, e as persoas responsables de acudir non conten co vehículo a disposición e teñan que andar buscando onde está para poder utilizalo”. Pero é que “ademais, o que está facendo este goberno municipal é incumprir o convenio de cesión do vehículo que asinou persoalmente o Alcalde e no que se establece que o vehículo debe destinarse a misións de protección civil e emerxencias, obrigándose ao seu mantemento durante un mínimo de cinco anos posteriores a esta cesión (foi asinada o 20 de outubro de 2015). O incumprimento desta obriga (…) será causa de reintegro… “Polo tanto, o que está facendo o goberno municipal é incumprindo con unha obriga que pode conlevar a devolución do vehículo e, chegado o caso, a imposición de sancións”, explica Ana Ermida.
Desde o BNG solicitan explicacións por parte do goberno municipal e, concretamente, do Alcalde barreirense quen parece que é responsable directo desta situación e esixen a restitución da normalidade no relativo á disposición do vehículo de Protección Civil para as funcións que lle corresponden.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
