Lugo, 5 de xaneiro de 2018. O Boletín Oficial da Provincia publica este venres as subvencións de concorrencia competitiva concedidas a entidades asociativas culturais no 2017. Son axudas que contribuíron a dinamización social e cultural en todas as súas vertentes, e que foron destinadas a programacións de música e baile tradicionais, premios literarios, festivais de teatro e folclóricos, así como xornadas de estudo, entre outras. Nesta anualidade, cun investimento do Goberno da Deputación de 280.000 euros, realizáronse 278 actividades nun total de 55 Concellos da provincia.
Toda a información sobre a resolución das axudas está na seguinte ligazón; http://www.deputacionlugo.org/portal_localweb_ag/RecursosWeb/DOCUMENTOS/1/0_17518_1.pdf#page=10
Na Mariña 61 actividades con 62.950 euros
Concretamente na Mariña promovéronse 61 actividades cun investimento de 62.950 euros para actuacións en 15 Concellos, como por exemplo o Festival Folclórico do Emigrante en Barreiros; a celebración da noite de San Xoán en Alfoz; o festival audiovisual da Mariña Imaxina de Burela; a semana cultural de Cervo; as xornadas de Historia Local de Foz; o certame de Mamá Quero Cantar de Mondoñedo; actividades de animación da ANPA do CEIP Juan Rey de Lourenzá; o concurso de redacción Mariña Folgueira de Pastoriza; actuación musical na Fogueira de San Xoán na Pontenova; obradoiro de pandeireta en Ribadeo; traballo de investigación do segadores da Órrea en Riotorto; actuacións teatrais no Vicedo; promoción cultural do casco histórico de Viveiro, e en Xove o Festival Folclórico de San Bartolo, entre outros.
Na Comarca da Terra Chá achegáronse 44.336 euros para 45 actividades
Cun investimento de 44.336 euros realizáronse 45 actividades en 8 Concellos desta zona, como por exemplo a celebración do Día do Libro en Begonte; o Festival da Chaira en Castro de Rei; os xogos tradicionais de XOTRAMU en Cospeito; o Festival de Pardiñas de Guitiriz; a Festa da Malla de Meira; actuación de grupos tradicionais en Pol; o Festival de Bandas de Vilalba, e clases de gaita en Xermade, entre outros.
76 actuacións con 73.650 euros na Comarca de Lugo
O Executivo Provincial promoveu un total de 76 actuacións cun investimento de 73.650 euros en 5 Concellos da Comarca de Lugo. No Concello do Corgo realizouse o certame literario Terras do Chamoso; curso de música tradicional en Friol; en Lugo obradoiros de recreación histórica do Arde Lucus; en Outeiro de Rei celebración do Magosto, asi como actividades culturais da ANPA do Colexio Otero Pedraio de Rábade, entre outras.
18 programacións con 18.000 euros na Comarca de Sarria
O Goberno da Deputación contribuíu ao financiamento de 18 programacións en 6 Concellos da Comarca de Sarria cunha achega de 18.000 euros. No Concello do Páramo promoveuse unha viaxe á Ribeira Sacra; en Samos o programa de difusión cultural do Castro de Formigueiros; actividades extraescolares da APA do CEIP de Triacastela; actividades de animación no Incio; en Láncara celebración do premio Facer Pais, e en Sarria celebración do festival Espantada Rock e Esmoga Fest, entre outras.
En Chantada investíronse 26.500 euros para 26 actividades
Os colectivos da Comarca da Chantada recibiron 26.500 euros para realizar un total de 26 actividades en 5 Concellos. En Carballedo promoveuse a Ruta do Penedo do Mouro; en Antas de Ulla a celebración do Magosto e a promoción do grupo Zoelas; en Chantada o Folión dos Carros e a mostra de teatro Maruxa Villanueva; en Monterroso o encontro gaiteiro, e en Palas de Rei a Revista Cairón e o Fiandón, entre outras.
33 actividades na Comarca de Lemos con 31.900 euros
7 concellos da Comarca de Lemos realizaron 33 actividades cun investimento de 31.900 euros. En Bóveda realizáronse viaxes culturais; en Monforte de Lemos concertos de Corais; na Pobra do Brollón a Festa do Oso de Salcedo; en Quiroga curso de cata de viños do Mundo; en Ribas de Sil viaxe ás Illas Cíes; no Saviñao o Festival da Musica na Rúa, e no Concello de Sober a edición da revista O Mirador, entre outros.
29.270 euros na Montaña para a realización de 19 actividades
A Comarca da Montaña de Lugo realizou 33 actividades cun investimento de 20.270 euros repartidos en 9 Concellos. En Baralla realizouse un curso de herbas tradicionais galegas; en Becerreá un curso de técnicas de relaxación; en Baleira promoveuse os caros de Taberna; Cervantes recuperación de bailes, música e actividades tradicionais; na Fonsagrada a Festa do Acordeón; en Negueira de Muñiz a xornada da castaña e o magosto; no Concello das Nogais baile tradicional; en Pedrafita do Cebreiro informática para nenos, e en Ribeira de Piquín un curso de cociña, entre outros.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
