Viveiro 23-2-18. O local Dékada, ubicado na zona de Cantarrana en Covas (Viveiro), está a cumprir este ano o seu 10º aniversario e para celebralo acaba de incorporar unhas novidades moi chamativas na súa carta: unha hamburguesa vegana, moi demandada pola súa clientela, e unha pizza dun metro de longo, ideal para compartir en grupo.
As pizzas e sobre todo as hamburguesas son os principais pratos da carta da Dékada, que pertence ao Grupo Galipizza. Son moi populares as súas mini burgers “gourmet” e as famosas “tetiñas”, en tamaño normal e XL, que se elaboran no tipo de pan que recibe o mesmo nome.
Incorporar unha hamburguesa vegana era un dos reclamos que os seguidores da Dékada e de Galipizza viñan demandando desde hai tempo, incluso con campañas a favor nas redes sociais. Está elaborada con puerro, cenoria, apio, coliflor, guisantes, col e cebola, e preséntase montada en pan de tetiña con espinacas, tomate natural e patacas fritas.
“Esta hamburguesa vegana xa a estreamos na pasada edición do Resurrection Fest e tivo moi boa acollida, por iso decidimos agora incorporala á carta da Dékada e valoramos facelo igualmente na proxima carta dos locais de Galipizza”, afirma José Manuel Vázquez “Leman”, xerente do Grupo Galipizza.
En canto á nova pizza de metro, é unha vella aspiración da casa, que tamén a valora como unha das próximas incorporacións á oferta de Galipizza. De momento ofrécense tres das pizzas da carta en tamaño de metro: romana, alemana e picante.
Xogando co nome do local tamén se lanza unha oferta “Dekámetro”, co que se premia a fidelidade dos clientes: por cada 10 metros de pizza consumidos entrégase un metro de pizza gratis. Para iso fixéronse unhas tarxetas de fidelización que se van sellando con cada pizza de metro.
E por se hai alguén que se atreva a comela enteira, cada martes a empresa lanza o seu “Reto de Metro”: aquela persoa que sexa quen de comer unha pizza de metro enteira sairalle gratis.
Dékada pertence ao Grupo Galipizza e comparte moitas das súas peculiaridades, tanto pola súa clientela como polo estilo de comida que ofrece. Entre a súa carta destacan especialidades da cociña turca, mexicana e italiana, como as Bruschettas; e tampouco faltan as racións cun toque americano e autóctono de Galicia. A súa oferta gastronómica complétana unha varidada sección de postres, merendas e cocktails, ideais para degustar na súa terraza ubicada ao pé do Parquemar de Covas.
A nova carta de Dékada ofrece unha hamburguesa vegana e unha pizza dun metro de longo
Relacionado
-
O alumnado de 6º de Primaria do Sagrado Corazón de Ribadeo celebra a súa graduación e paso á ESO
-
O BNG facilita a aprobación dos orzamentos de Foz pero advirte que “non é un cheque en branco”
-
Este luns abre o prazo para solicitar autorizacións para celebrar comidas na rúa durante a Feira Renacentista de Viveiro
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
