A policía local de Burela instrúe dilixencias por delito contra a seguridade do tráfico e outro por atentado

Burela 25-2-18. Os Axentes da Policía Local de Burela tiveron a pasada noite de sábado unha noite movida no que a traballo se refire. Tras darlle o alto a un vehículo cando realizaban un control na Avenida Arcadio Pardiñas, o conductor dun dos vehículos deixou o mesmo no lado dereito da calzada e emprendeu a fuxida a pe para tratar de escapar dos axentes, facendo caso omiso ás ordes de que se detivera efectuadas polos mesmos. Tras unha carreira de mais de 150 metros polo medio da Avenida Arcadio Pardiñas, os dous Axentes de servicio conseguiron alcanzar ó conductor do vehículo, o cal intentou zafarse destes para continuar a súa fuxida, resistindose á detención e tendo que ser reducido polos axentes actuantes. Cando os axentes estaban a efectuar a detención chegou ó lugar a persoa que acompañaba ó conductor, o cal agrede ós axentes actuantes empuxando un contenedor de residuos que estaba alí ubicado enriba dos axentes, chegando a impactar neles. Os axentes tiveron que solicitar axuda a través do número de emerxencias 112 para que se persoara no lugar unha patrulla da Garda Civil do Posto de Burela. O conductor do vehículo A.C.S.G de 36 anos foi denunciado polos axentes como autor dun presunto Delito recollido no artígo 379.2 do Código Penal, xa que deu unha tasa positiva de 0,72 mg/l e será xulgado o próximo xoves en Viveiro, enfrentarase a penas de prisión que van de 3 a 6 meses, multa de 6 a 12 meses e a privación do dereito a conducir vehículos a motor por un tempo de 1 a 4 anos. O acompañante M.A.S de 35 anos foi denunciado por un presunto Delito de Atentado contra os Axentes da Autoridade no exercicio das súas función e será xulgado tamén en Viveiro. Este delito leva aparelladas penas de prisión que van de 6 meses a 3 anos.
A Policía Local participou ademáis, nunca persecución en coche xunto con unha patrulla da Garda Civil de Burela dun vehículo que se deu á fuga nun control que estaba a ser efectuado conxuntamente por ambos corpos. Os Axentes puideron localizar finalmente o vehículo no que non se atopaba o conductor do mesmo. O vehículo carecía de Seguro Obligatorio e non pasara a corresponddente Inspeción técnica de vehículos polo que foi denunciado polos axentes, á espera do que suceda co conductor do mesmo. Os axentes atópanse preocupados por este tema, xa que na última semana denunciaron mais de 4 vehículos que atoparon sen seguro e outros 4 sen ITV. Dende a Policía quérese destacar que a multa por circular sen seguro é de 1500 euros e por non someter o vehículo á itv a contía é de 200 euros.
A noite non foi tranquila ademáis, xa que os Axentes detectaron un positivo por alcoholmemia cun resultado de 0,50 mg/l da conductora dun vehículo con residencia en Burela, polo que foi denunciada polos axentes cunha multa de 500 euros e 4 puntos do permiso de conducir e ó comezo desta, tiveron que asistir a un acidente con unha ferida A.F.C. de 41 anos de edad na interseción das rúas Curros Enríquez e Leandro Cucurni, na que a acompañante dun dos vehículos tivo que ser trasladada en ambulancia ó Hospital da Costa por ter molestias cervicais, realizase proba de detección alcohólica os conductores dos vehículos implicados, arroxando unha tasa de 0.0 e 0.12, non sendo sancionados por non superar o maximo establecido. Os axentes están a realizar o preceptivo Atestado.