Viveiro 12-2-18. O Concello ten organizado o seu Gran Desfile de Antroido para este martes, 13 de febreiro, tendo o seu punto de partida ás 17:30 horas, dende Verxeles para rematar na Praza Maior. O concello ten previsto entregar uns 7.000 euros en premios a repartir entre as distintas categorías: carrozas, grupos, comparsas con música, parellas e individual, ademais do Premio do Xurado á Orixinalidade, do Premio do Xurado ao humor e do Premio ao participante máis lonxevo (estes dous últimos premios patrocinados polo CCHV e polo restaurante O Muro); no importe referido inclúense tamén a axuda especial de 200 € máximo a cada unha das carrozas participantes.
As predicións para o día de mañá anuncian chuvias xeneralizadas ao longo do día; por este motivo, no suposto de que as inclemencias meteorolóxicas impidan a celebración do desfile mañá martes, tal e como está previsto, este celebrarase o vindeiro sábado.
O concello tomou a decisión de celebrar o desfile noutra data, no caso de que non poida saír mañá, para non botar a perder o traballo de tantos e tantos días e máis a ilusión dos 500 participantes apuntados que, a día de hoxe, figuran inscritos nas distintas categorías. Barallamos varias opcións e decidimos trasladalo, no caso de que sexa necesario, ao vindeiro sábado, para non facelo coincidir co Entroido de Lourenzá, que se celebra o domingo, e entendendo que ese día non coincidiría con ningún outro desfile da zona. Entendemos que ese cambio podería supoñer un prexuízo e que, por motivos laborais ou doutra índole, haberá xente que non poida asistir, pero consideramos que é a mellor opción posible de celebrar o desfile, nestas días, sen solapar outros eventos.
En todo caso, a día de hoxe, debemos centrarnos en esperar que o tempo nos dea unha tregua e que as predicións non se cumpran, podendo saír mañá á rúa, tal e como estaba previsto. Estaremos pendentes do ceo e iremos comunicando, a través das redes sociais, calquera noticia ao respecto.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
