Burela, 1 de febreiro de 2018. O concelleiro de Deportes, Ramiro Fernández Rey, mantivo hoxe un encontro co director deportivo do Club Deportivo Lugo, Víctor Moreno, para solicitarlle que o equipo xogue algún dos partidos de pretempada en Burela.
O edil explicou que “nos xuntamos co director deportivo do Club Deportivo Lugo, Víctor Moreno, que nos recibiu moi amablemente e estamos moi felices de que así fora”.
Ramiro Fernández contou que “seguindo con esa colaboración que tanto desde Porto Burela como o Concello temos co Club Deportivo Lugo, o que lle solicitamos foi que este ano, a ser posible na pretempada, que o CD Lugo viñera a xogar un partido a Burela”.
O concelleiro de Deportes lembrou que “xa había ese compromiso o ano pasado e non se puido facer, pero este ano doume por conforme coa palabra dada polo director deportivo do CD Lugo de que o equipo virá xogar na pretempada a Burela”.
Fernández Rey engadiu que “ademais falamos tamén da Semana do Deporte que vimos celebrando nos últimos anos desde a Delegación de Deportes, e pedímoslle que o Club Deportivo Lugo participara dalgún xeito dentro dos actos desa semana, e o compromiso tamén é o de intentar colaborar na medida das posibilidades co Concello de Burela para esa Semana do Deporte”.
O concelleiro de deportes reuníuse co director deportivo do CD Lugo co obxectivo de que o equipo lugués xogue algún partido de pretempada en Burela
Relacionado
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
