Presentación da nova edición de A raíña das velutinas en Alfoz

Tras o esgotamento da primeira edición da novela, o lanzamento da segunda edición d’A raíña das velutinas terá lugar no municipio de residencia do autor; polo cal, o vindeiro venres día 2 ás 21:00 h., o público lector poderá adquirir os novos exemplares nun acto que terá lugar no Centro Social de Alfoz.
No acto, Lionel Rexes contará coa colaboración de Pepe Peinó (escritor, actor, cineasta, mestre, presidente do SEVA…) e Bernardo Penabade (ensaísta, activista cultural e profesor de galego no IES O Perdouro); este último é autor dunha Unidade Didáctica sobre A raíña das velutinas; traballo que tamén será presentado no mesmo acto. Participará tamén Xabier Pardiñas, responsábel da área municipal de Cultura de Alfoz.