Mondoñedo, 8 de febreiro de 2018.- A Delegación territorial da Xunta en Lugo organizou esta tarde en Mondoñedo unha xornada informativa sobre axudas para a rehabilitación de vivendas na que técnicos da Consellería de Infraestruturas e Vivenda explicaron as distintas liñas postas en marcha polo goberno galego neste ámbito.
A xornada centrouse moi especialmente nos apoios previstos no marco da área de rehabilitación dos Camiños de Santiago, de recente convocatoria, e para cuxas axudas o Goberno galego reserva máis de 2,8 millóns de euros, segundo lembrou o delegado territorial da Xunta en Lugo, José Manuel Balseiro.
Así, as comunidades de propietarios e as persoas físicas propietarias únicas de edificios ou de vivendas que estean emprazadas nas parroquias polas que discorre a ruta xacobea do Camiño do Norte poderán acceder a axudas a fondo perdido de ata 15.000 euros.
En concreto, o importe máximo da axuda será de 15.000 euros por vivenda, dos que 11.000 serán de financiamento estatal e non poderán poderán cubrir ata o 35 por cento do orzamento e 4.000 de financiamento autonómico, co límite máximo do 10 por cento do orzamento.
As persoas interesadas en acceder a estas axudas poderán solicitalas dende mañá e ata o 31 de outubro de 2018, salvo que se esgote antes o crédito orzamentario.
As obras de rehabilitación deberán estar rematadas e calificadas definitivamente antes da finalización do prazo de presentación de solicitudes das axudas (31 de outubro). As que non cumpran estes requisitos poderán beneficiarse das axudas en posteriores convocatorias das mesmas, xa que na Ari dos Camiños de Santiago o prazo para a solicitar a calificación provisional (antes da finalización das obras) e a calificación definitiva (unha vez rematadas as obras) está aberto permanentemente.
Camiño do Norte
A área de rehabilitación dos Camiños de Santiago foi o 17 de decembro de 2010, en acordo da Comisión Bilateral de Vivenda Xunta-Ministerio de Fomento. En concreto, na Mariña os concellos beneficiarios son aqueles polos que discorre a ruta xacobea do Camiño do Norte, isto é Ribadeo (Arante, Cedofeita, Covelas, Ove, Santa María de Ribadeo, Vilaselán), Trabada (A Ría de Abres, Sante, Santa María de Trabada e Valboa), Barreiros (Cabarcos, San Xusto, Vilamartín pequeno), Lourenzá (Santa María, San Xurxo, Santo Adriano) e Mondoñedo (Lindín, O Carme, Os Remedios, San Vicente de Trigás, Santiago de Mondoñedo, Sasdónigas e Vilamor)
Préstamos cualificados
Pero a Xunta de Galicia tamén ten en marcha outras axudas, con independencia do lugar no que estea emprazada a vivenda ou edificio, por exemplo, destina case 3 millóns de euros a subvencionar os xuros de préstamos para financiar obras de rehabilitación de vivendas.
Trátase dunha medida pioneira articulada a través dos convenios asinados pola Consellería de Infraestruturas e Vivenda con Abanca, Caixabank, Caixa Rural Galega e Banco Sabadell. O importe máximo do préstamo é de 30.000 euros para aqueles de carácter persoal e de 60.000 euros no caso de préstamos hipotecarios
A subsidiación, en función da renda dos beneficiarios, pode chegar ata o 100% dos xuros durante un máximo de 4 anos, mentres que as familias con máis ingresos terán facilidades para acceder ao créditos. O prazo de solicitude esta aberto e prolóngase ata o 15 de outubro, salvo que se esgote antes a dotación presupostaria
Outras liñas de axudas para rehabilitación de vivendas son as destinadas para as áreas de rehabilitación integral (no caso da Mariña hai oficinas informativas e tramitadoras nos concellos de Viveiro, Ribadeo, Mondoñedo e Lourenzá), os apoios ao concellos galegos para rehabilitar antigas casas de mestres e outros oficios e a convocatoria de subvencións directas en caso de infravivenda.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
