Cervo, 21 de marzo de 2018.- Un ano máis, o Concello de Cervo, quixo celebrar o Día Internacional dos Bosques con diferentes actividades didácticas nos colexios do municipio.
Nesta ocasión, os nenos dos centros de Cervo e San Cibrao recibiron unha clase teórico-práctica da man dun técnico municipal experto na materia, que lles explicou a importancia de conmemorar días como o de hoxe co obxectivo de recordar e ter ben presente a importancia capital que teñen as árbores na nosa vida e na de todos os seres vivos que habitan o planeta.
Os pequenos tiveron que identificar as diferentes especies que están plantadas nos recintos escolares, que conforman un pequeño bosque botánico no que se poden atopar múltiples árbores froiteiras, ornamentais e forestais. Así, os nenos detectaron castiñeiros, camelias, abetos, pinsapos, loureiros, carballos, cereixos, amieiros, acebos…
O rexedor, Alfonso Villares, e a edil de Medio Ambiente, Manuela Méndez, quixeron compartir con eles a actividade, programada por grupos, e ao remate entregaron a cada neno un recordo deste día en forma de árbore de madeira que recolle en cada rama unha mensaxe didáctica de respecto medioambiental.
Reduce, coida, respecta, colabora, planta, recicla, protexe e reutiliza son conceptos que, tal e como explicaron, “é importante que os nenos teñan en conta xa desde as idades máis temperás, porque a educación en materia ambiental é fundamental para reforzar actitudes e comportamentos para contribuír a preservar o planeta”.
O Concello de Cervo, a través da delegación de Medio Ambiente, programa ao longo de todo o ano actividades de concienciación nos centros educativos do municipio.
Así, Méndez recordou que “temos en marcha o programa de visitas guiadas ás dúas plantas depuradoras principais do Concello e tamén organizamos plantacións de árbores autóctonas en diferentes fincas de titularidade municipal co fin de implicar aos rapaces en todo o proceso da plantación, e para que tomen conciencia da importancia do coidado dos bosques”.
Así mesmo, engadiu, tamén “instalamos composteiros nos nosos centros educativos co obxectivo de fomentar a autoxestión dos residuos orgánicos entre o alumnado”.
O Concello de Cervo celebrou o Día Internacional dos bosques con actividades didácticas nos colexios do municipio
Relacionado
-
Daniel García e Miriam Bermúdez valoran a recuperación do parque da Atalaia, en Celeiro, como mostra da “política de feitos que guiou a acción do BNG no goberno municipal de Viveiro”
-
O mariñao Xabier Pardiñas Suárez, novo tesoureiro do Colexio Oficial da Arquitectura Técnica de Lugo
-
Pontón volve pedir a comparecencia de Rueda polo caso Villares e que a Xunta lle ofreza á vitima personarse como acusación particular
A cita terá lugar no Auditorio Municipal a partir das 18:00 horas e contará cunha entrada simbólica de 1 euro, que poderá adquirirse no propio recinto. Neste festival participarán os nenos e nenas a partir dos 3 anos que formaron parte desas actividades durante o curso.
Tiña 68 anos. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
