A peche de São Paulo cerra sete tempadas no club mariñao, repartidas en dúas etapas
Burela, 12 de xuño, 2025. Os camiños do Burela FS e Cami separaranse este verán despois de sete tempadas xuntos en dúas etapas diferentes. A internacional brasileira foi unha das xogadoras máis destacadas do ciclo dourado da entidade burelesa, onde colaborou na conquista de 18 títulos. O club agradécelle a Cami todo o empeño, traballo e dedicación demostrado nestas dúas últimas tempadas, así como no seu anterior paso, e deséxalle sorte nos novos retos que afronte, tanto a nivel deportivo como persoal.
Camila Gadeia Silva (São Paulo, 1990) chegou ao Burela FS en xaneiro de 2018 desde o São José Futsal para reforzar un plantel cada vez máis competitivo e mantívose ata xuño do 2022 no seo da entidade mariñá. Durante a campaña 2022/2023 fixo unha pequena pausa dun só curso na súa relación co Burela FS e marchouse ao Castro Bloques Cando, co que logrou o ascenso a Primeira División. Un ano despois regresaba a terras mariñás para enrolarse de novo durante estas dúas últimas campañas nas filas laranxas.
A peche brasileira destra deixou ver moi rápido as súas grandes calidades a nivel defensivo, destacando pola súa intensidade, forza e anticipación, así como tamén pola súa capacidade de achegar en ataque, grazas á potente pegada que ten con ámbalas pernas, unha característica que aínda ensinou o pasado sábado na execución do tanto do 3-4 diante do Futsi Atlético Navalcarnero coa súa perna esquerda.
Vestida de laranxa, Cami colaborou na consecución de 3 ligas (19/20, 20/21 e 23/24), 5 copas da Raíña (2019, 2020, 2021, 2022 e 2025), 4 supercopas (2019, 2021, 2022 e 2024), 4 copas Galicia (2019, 2021, 2023 e 2025) e as oficiosas Recopa (2019) e Futsal Women’s European Champions (2021). Na presente tempada disputou 33 partidos entre liga regular e play offs e anotou 4 goles.
Na súa despedida, Cami tivo unhas palabras para a afección. “Mil grazas, Familia Laranxa. Foi unha honra formar parte deste club. Saín do meu país e aquí en Burela sentinme coma se estivese na miña casa. Moitísima grazas, de corazón. Vou co corazón cheo de orgullo e gratitude por todo o que vivín aquí. Un abrazo enorme”, afirmou a futbolista paulista.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
