Antonio Ameijide explica que nos últimos días asinaron varios decretos nos que se confirman as prórrogas para que empresas privadas sigan a xestionar os centros de atención a maiores de Trabada, A Fonsagrada, Pol e Ribadeo
Lugo, 12 de xuño de 2025. PSOE e BNG seguen a manter un modelo privatizar á fronte da rede provincial de residencias despois de asinar varias prórrogas para manter a empresas privadas xestionando varios centros de atención a maiores.
O voceiro provincial popular, Antonio Ameijide, explica que “nos últimos días vimos como asinaron varios decretos para aprobar as prórrogas que manteñen a empresas privadas á fronte da xestión de varias residencias da rede provincial”.
En concreto trátase dos centros de atención a maiores de:
Trabada, prórroga dende o 16 de agosto de 2025 ao 31 de outubro de 2025, por un importe de 144.100,76€
Ribadeo, prórroga dende o 16 de agosto de 2025 ao 31 de outubro de 2025, por un importe de 173.363,10€
A Fonsagrada, prórroga dende o 16 de agosto de 2025 ao 31 de outubro de 2025, por un importe de 135.087,81€
Pol, prórroga dende o 16 de agosto de 2025 ao 31 de outubro de 2025, por un importe de 121.344,77€
Antonio Ameijide denuncia esta situación xa que “PSOE e BNG entregan a empresas privadas infraestruturas construídas con cartos de todos os lucenses, unha liña de traballo que queren perpetuar cando se abra o centro de atención a maiores de Becerreá”.
Neste senso, Antonio Ameijide recorda como “o expediente que PSOE e BNG aprobaron no mes de febreiro deste ano certifica que o seu modelo de centros de atención a maiores é un modelo fracasado e privatizador”.
“PSOE e BNG quitaron a careta xa que o seu modelo é 100% privatizador. En Becerreá, ao igual que no resto de centros da rede, cando abran a residencia entregarán un edificio construído con fondos de todos os lucenses a unha empresa para que privatice 96 prazas de residencia e 40 de centro de maiores”, recordou.
A sinatura destas prórrogas sen incluír a apertura dos centros de día confirma “a nula intención de cumprir con este compromiso adquirido con todos os veciños da provincia, chegando ao punto de que alcaldes, como o de Fonsagrada, votan en contra de abrir estes centros, votando así en contra dos seus veciños”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
